ବାଲିପାଟଣା: ଗତ ମାସ ୩୧ ତାରିଖ ଅପରାହ୍ନରେ ରାଜଧାନୀ ଉପକଣ୍ଠ ଝିଣ୍ଟି ଶାସନ ଜଇନାବାଦ ନିକଟ ଭାର୍ଗବୀ ନଦୀପଠାରେ ଥିବା ବାଣ କାରଖାନାରେ ଭୟଙ୍କର ବିସ୍ଫୋରଣ ହୋଇଥିଲା। ଏଥିରେ ଲକ୍ଷାଧିକ ଟଙ୍କାର ବାଣ ଜଳିଯିବା ସହ ୨ ଜଣ କାରିଗର ଆହତ ହୋଇଥିଲେ। ସେମାନଙ୍କ ମଧ୍ୟରେ ଶିସିଲୋ ବୋଧଖଣ୍ଡି ଗ୍ରାମର ରଘୁନାଥ ପଣ୍ଡାଙ୍କ ଏକମାତ୍ର ପୁଅ ରମାକାନ୍ତ ପଣ୍ଡା ଓରଫ ବୁଟୁ (୪୦ ) ଗୁରୁତର ହୋଇଥିଲେ। ତାଙ୍କୁ ଗୁରୁତର ଅବସ୍ଥାରେ ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା। ଏକ ସପ୍ତାହ ହେଲା ତାଙ୍କ ଅବସ୍ଥାରେ କୌଣସି ପରିବର୍ତ୍ତନ ହୋଇ ନ ଥିଲା। ଆଜି ପୂର୍ବାହ୍ନରେ ବୁଟୁଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଥିବା ଜଣାପଡ଼ିଛି। ବୁଟୁଙ୍କ ମୃତ୍ୟୁ ଖବର ପ୍ରଚାର ହେବା ପରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳି ଯାଇଛି।
Share Now:
