ନୂଆଦିଲ୍ଲୀ: ଭାରତ ଉପରେ ବିଦେଶୀ କମ୍ପାନୀଗୁଡିକର ବିଶ୍ୱାସ ବଢ଼ିବାରେ ଲାଗିଛି। ଆଉ ସେଥିପାଇଁ ଟେକ୍ନୋଲୋଜି ଏବଂ ଇଲେକ୍ଟ୍ରୋନିକ୍ସ ଦୃଷ୍ଟିରୁ ଦୁନିଆର ହବ କୁହାଯାଉଥିବା ଜାପାନର ସବୁଠୁ ବଡ କମ୍ପାନୀ ଖୁବ ଶୀଘ୍ର ଭାରତକୁ ଆସିବ। ଏହା ଚୀନ୍ ପାଇଁ ଏକ ବଡ ଝଟକା ହେବ କାରଣ ଏହାର ଭୁଲ ନୀତି ହେତୁ ବଡ କମ୍ପାନୀଗୁଡିକ ଚୀନରୁ ଦୂରେଇବା ଆରମ୍ଭ କରି ଦେଇଛନ୍ତି। ଏଥି ସହିତ ବିଦେଶୀ କମ୍ପାନୀମାନେ ଭାରତକୁ ବିକଳ୍ପ ଭାବରେ ଦେଖୁଛନ୍ତି। ବର୍ତ୍ତମାନ ଜାପାନ କମ୍ପାନୀ ମଧ୍ୟ ଭାରତରେ ଏହାର ବଜାର ବିସ୍ତାର କରିବାକୁ ନିଷ୍ପତ୍ତି ନେଇଛି। ବିଜନେସ୍ ଷ୍ଟାଣ୍ଡାର୍ଡର ଖବର ଅନୁଯାୟୀ ଜାପାନର ଅନ୍ୟତମ ବୃହତ୍ତମ କମ୍ପାନୀ ଟିଡ଼ିକେ କର୍ପୋରେସନ ଭାରତକୁ ଆସୁଛି।
ଏହି କମ୍ପାନୀ ହେଉଛି ଆପଲ୍ ଇଙ୍କର ଲିଥିୟମ୍ ଆୟନ (ଲି-ଆୟନ) ବ୍ୟାଟେରୀ ଯୋଗାଣକାରୀ। ଟିଡ଼ିକେ ଭାରତରେ ଆପଲର ଆଇଫୋନ୍ ପାଇଁ ବ୍ୟାଟେରୀ ସେଲ୍ ଉତ୍ପାଦନ କରିବ। ସୂଚନାନୁସାରେ, ଏହି କମ୍ପାନୀ ଭାରତରେ ଆପଲ୍ ଲିଥିୟମ୍ ଆୟନ ବ୍ୟାଟେରୀ ପାଇଁ ସେଲ୍ ଆସେମ୍ବଲର୍ ଯୋଗାଇବ। ବର୍ତ୍ତମାନ କେବଳ ଟିଡ଼ିକେ ଭାରତରେ ଲିଥିୟମ୍ ଆୟନ ବ୍ୟାଟେରୀ ସେଲ ଉତ୍ପାଦନ ପାଇଁ ହରିୟାଣାର ମାନେସରରେ ଏକ କାରଖାନା ସ୍ଥାପନ କରିବ। ଏଥିପାଇଁ ସେ ଏଠାରେ ୧୮୦ ଏକର ଜମି କିଣିଛି। ଏହା ବ୍ୟତୀତ ଦେଶରେ ଚାକିରିର ସୁଯୋଗ ବୃଦ୍ଧି ପାଇବ ଏବଂ ଆଇଟି ପ୍ରଫେସନାଲମାନେ ମଧ୍ୟ ଏଥିରୁ ଉପକୃତ ହେବେ। ଭାରତରେ ଆପଲ୍ ସେଲ୍ ଉତ୍ପାଦନ କରୁଥିବା ଟିଡ଼ିକେ ଦେଶର ଅର୍ଥନୀତିକୁ ମଧ୍ୟ ବୃଦ୍ଧି କରିବ।
