ଭୁବନେଶ୍ୱର: ଜାମୁକୋଳିସ୍ଥିତ ବିଏମ୍ସି ଗୋଶାଳା ବୁଲି ଦେଖିଛନ୍ତି ମେୟର ସୁଲୋଚନା ଦାସ। ପିପ୍ୟୁଲ ଫର ଆନିମଲ ଦ୍ୱାରା ପରିଚାଳିତ ଏହି ଗୋଶାଳାରେ ଗାଈ ଓ ଷଣ୍ଢମାନଙ୍କୁ ସୁଷମ ଖାଦ୍ୟ ସାମଗ୍ରୀ ଦିଆଯାଉଛି। ସେମାନଙ୍କ ନିୟମିତ ସ୍ୱାସ୍ଥ୍ୟ ପରୀକ୍ଷା ପାଇଁ ଦୁଇ ଜଣ ଡାକ୍ତର ଓ ଦୁଇ ଜଣ ପାରାଭେଟ୍ ନିୟୋଜିତ ହୋଇଛନ୍ତି। ଏମାନଙ୍କର ଯତ୍ନ ନେବାକୁ ୪୬ ଜଣ କର୍ମଚାରୀ, ଜଣେ ସୁପରଭାଇଜର ଓ ଜଣେ ମ୍ୟାନେଜର ଅଛନ୍ତି। ଗୋଶାଳାରୁ ବାହାରୁ ଥିବା ଗୋବରରୁ ଖତ କରାଯାଉଛି। ଏହି ସବୁ ଖତ ଏବେ ଜମା ରହିଛି, ଭବିଷ୍ୟତରେ ସେଗୁଡିକ ନିଲାମ କରାଯିବ ବୋଲି ମେୟର କହିଛନ୍ତି। ଆଗାମୀ ଦିନରେ ସହର ନିକଟ ବିଭିନ୍ନ ପ୍ରାନ୍ତରେ ଏହିପରି ଗୋମଙ୍ଗଳ କେନ୍ଦ୍ର ଖୋଲାଯିବ ବୋଲି ସେ ସୂଚନା ଦେଇଛନ୍ତି। ତାଙ୍କ ସହ ଷ୍ଟାଣ୍ଡିଂ କମିଟି ଅଧ୍ୟକ୍ଷ ବିରଞ୍ଚି ନାରାୟଣ ମହାସୂପକାର, ପ୍ରୀତିନନ୍ଦା ରାଉତରାୟ, ଅମରେଶ ଜେନା, ମିହିର କୁମାର ରାଉତ, ଭାରତୀ ସିଂ ଓ ଡେପୁଟି କମିସନର ରମେଶ ଚନ୍ଦ୍ର ଜେନା ସାମିଲ ହୋଇଥିଲେ।
Share Now:
