ନୂଆଦିଲ୍ଲୀ: ମାଳଦ୍ୱୀପ ସହ ବିବାଦ ଭିତରେ କେନ୍ଦ୍ର ସରକାର ଲକ୍ଷଦ୍ୱୀପର ବିକାଶ ପାଇଁ କେତେକ ବଡ଼ ଯୋଜନା କରୁଛନ୍ତି। ଏବେ ମିନିକୟ ଦ୍ୱୀପ ସମୂହରେ ନୂଆ ବିମାନବନ୍ଦର ନିର୍ମାଣ ହେବ। ଏହି ବିମାନବନ୍ଦରରେ ବାଣିଜ୍ୟିକ ବିମାନ ସହିତ ଯୁଦ୍ଧ ବିମାନ ଏବଂ ସାମରିକ ବିମାନ ମଧ୍ୟ ଚଳାଚଳର କ୍ଷମତା ରହିବ। ସରକାର ଆଜି ଏ ସଂକ୍ରାନ୍ତ ପ୍ରସ୍ତାବ ପାରିତ କରିଛନ୍ତି। ସାମରିକ ଦୃଷ୍ଟିକୋଣରୁ ଏହି ବିମାନ ବନ୍ଦର ଭାରତର ସ୍ଥିତିକୁ ସୁଦୃଢ଼ କରିବ। ଏହାର ଉପଯୋଗ ଆରବ ସାଗର ଏବଂ ଭାରତ ମହାସାଗର ଅଞ୍ଚଳରେ ନଜର ରଖିବା ଦିଗରେ ନିର୍ଣ୍ଣାୟକ ହେବ। ଏହା ସହିତ ଏହା ପର୍ଯ୍ୟଟନର ବିକାଶ ଦିଗରେ ମଧ୍ୟ ସହାୟକ ହେବ।
Share Now:
