ଭୋପାଳ: ମଧ୍ୟପ୍ରଦେଶର ଏକ ଅଜବ ଘଟଣା ଘଟିଛି। ଜଣେ ବ୍ୟକ୍ତି ନିଜ ପତ୍ନୀଙ୍କୁ ହନିମୁନ ପାଇଁ ଗୋଆ ନେଇଯିବା ବଦଳରେ ଅଯୋଧ୍ୟା ଓ କାଶୀକୁ ତୀର୍ଥ ପାଇଁ ନେଇଯାଇଥିଲେ। ସାଙ୍ଗରେ ନିଜ ପିତାମାତାଙ୍କୁ ବି ନେଇଯାଇଥିଲେ। ଏହା ଦେଖି ପତ୍ନୀ ଭୀଷଣ କ୍ଷୁବଧ ହେବା ସହ ଛାଡ଼ପତ୍ର ନୋଟିସ୍ ଦେଇଦେଇଛନ୍ତି। ପିପ୍ଲାନୀରେ ରହୁଥିବା ଏହି ଦମ୍ପତି ୨୦୨୩ ଅଗଷ୍ଟରେ ବିବାହ କରିଥିଲେ। ମହିଳାଙ୍କ କହିବା ଅନୁଯାୟୀ, ତାଙ୍କ ସ୍ୱାମୀ ଆଇଟି ସେକ୍ଟରରେ ଅଛନ୍ତି ଏବଂ ତାଙ୍କୁ ଭଲ ଦରମା ମଧ୍ୟ ମିଳୁଛି, ତେଣୁ ହନିମୁନ୍ ପାଇଁ ବିଦେଶ ଯିବା ତାଙ୍କ ପାଇଁ ବଡ଼ କଥା ନୁହେଁ, କିନ୍ତୁ ସ୍ୱାମୀ ତାଙ୍କ ପତ୍ନୀଙ୍କୁ ଅଯୋଧ୍ୟା ଓ ବନାରସ ନେଇଯାଇଥିଲେ ଏବଂ ସ୍ୱାମୀ ତାଙ୍କ ମା’ଙ୍କୁ ଅଯୋଧ୍ୟା ନେଇଯାଇଥିଲେ। ସ୍ୱାମୀ ତାଙ୍କ ପତ୍ନୀଙ୍କୁ ହନିମୁନରେ ବିଦେଶ ଯିବାକୁ ମନା କରି ଦେଇଥିଲେ ଯେ ତାଙ୍କୁ ତାଙ୍କ ପିତାମାତାଙ୍କ ଯତ୍ନ ନେବାକୁ ପଡିବ, ତେଣୁ ସେ ଭାରତୀୟ ସ୍ଥାନକୁ ଯାଆନ୍ତୁ। ପତ୍ନୀଙ୍କ ସହମତିକ୍ରମେ ଉଭୟ ସ୍ୱାମୀ-ସ୍ତ୍ରୀ ଗୋଆ ଓ ଦକ୍ଷିଣ ଭାରତ ଯିବାର ଯୋଜନା ସ୍ଥିର ହୋଇଥିଲା।
କିନ୍ତୁ ରାମ ମନ୍ଦିର ପ୍ରାଣ ପ୍ରତିଷ୍ଠା ହେବା ପୂର୍ବରୁ ତାଙ୍କ ମା’ ଅଯୋଧ୍ୟାକୁ ଯିବାକୁ ଚାହୁଁଥିବାରୁ ମହିଳାଙ୍କ ସ୍ୱାମୀ ସପରିବାର ଅଯୋଧ୍ୟା ଏବଂ ବାରଣାସୀ ପଳାଇଯାଇଥିଲେ। ସେଠାରୁ ଫେରିବା ପରେ ପତ୍ନୀ ନିଜ ସ୍ୱାମୀଙ୍କୁ ଛାଡ଼ପତ୍ର ଦେଇଦେଇଛନ୍ତି। ପତ୍ନୀ ଅଦାଲତରେ ଦର୍ଶାଇଛନ୍ତି ଯେ ସେ ମୋ ଅପେକ୍ଷା ତାଙ୍କ ପରିବାର ସଦସ୍ୟଙ୍କ ପାଇଁ ଅଧିକ ଚିନ୍ତା କରନ୍ତି। ଭୋପାଳ ଫ୍ୟାମିଲି କୋର୍ଟର ଓକିଲ ଶୈଲ ଅବସ୍ଥିଙ୍କ କହିବାନୁଯାୟୀ, ଦମ୍ପତିଙ୍କୁ କାଉନସେଲିଂ କରାଯାଉଛି।
ହନିମୁନରେ ଗୋଆ ବଦଳରେ ଅଯୋଧ୍ୟା ନେଲା ସ୍ୱାମୀ : ପତ୍ନୀ ଦେଲା ଛାଡ଼ପତ୍ର
Share Now: