ହରାରେ : ହରାରେ ସ୍ପୋର୍ଟସ କ୍ଲବଠାର ଖେଳାଯାଉଥିବା ଭାରତ-ଜିମ୍ବାୱେ ୨ୟ ଟି-୨୦ରେ ଭାରତୀୟ ବ୍ୟାଟ୍ସମ୍ୟାନଙ୍କ ଆଧିପତ୍ୟ ଦେଖିବାକୁ ମିଳିଛି। ନିଜ ଅନ୍ତର୍ଜାତୀୟ କ୍ୟାରିୟରର ୨ୟ ଟି-୨୦ ଅଭିଷେକ ଶର୍ମା ଏକ ବିସ୍ଫୋରକ ଶତକ ହାସଲ କରିଛନ୍ତି। ଏହି ମ୍ୟାଚରେ ଭାରତ ଟସ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା। କିନ୍ତୁ ଅଧିନାୟକ ଶୁଭମନ ଗିଲ ମାତ୍ର ୨ ରନ କରି ଆଉଟ ହୋଇଥିଲେ। ତେବେ ଅଭିଷେକ ଶର୍ମା ଓ ଋତୁରାଜ ଗାଇକ୍ବାଡ୍ ବିସ୍ଫୋରକ ବ୍ୟାଟିଂ କରି ଦଳୀୟ ସ୍କୋରକୁ ଆଗେଇ ନେଇଥିଲେ। ଅଭିଷେକ ମାତ୍ର ୪୭ଟି ବଲରେ ୧୦୦ ରନ କରିଥିବାବେଳେ ଗାଇକ୍ବାଡ୍ ୪୭ ବଲରୁ ୭୭ ରନ କରିଥିଲେ। ଅଭିଷେକ ନିଜର ଶତକ ମଧ୍ୟରେ ୮ଟି ଛକା ଓ ୭ଟି ଚୌକା ମାରିଥିଲେ। ରିଙ୍କୁ ସିଂ ମାତ୍ର ୨୨ ବଲରୁ ୪୮ ରନ କରିଥିଲେ। ରିଙ୍କୁ ୫ଟି ଛକା ଓ ୨ଟି ଚୌକା ମାରିଥିଲେ। ଭାରତ ୨୦ ଓଭରରେ ୨ଟି ଓ୍ବିକେଟ ହରାଇ ୨୩୪ ରନ କରିଥିଲା। ଜିମ୍ବାୱେ ପକ୍ଷରୁ ୱେଲିଂଟନ ମସକାଦଜା ଓ ବ୍ଲେସିଂ ମୁଜାରାବାନି ଗୋଟିଏ ଲେଖାଏଁ ଓ୍ବିକେଟ ନେଇଥିଲେ।
Share Now:
