ଚେନ୍ନାଇ: ଆଜି ଚେନ୍ନାଇସ୍ଥିତ ‘ଏମ୍. ଏ. ଚିଦମ୍ବରମ୍ ଷ୍ଟାଡିୟମ୍’ରେ ଆୟୋଜନ କରାଯାଇଥିବା ‘ଆଇସିସି’ ଆନ୍ତର୍ଜାତିକ ଦିନିକିଆ କ୍ରିକେଟ୍ ବିଶ୍ୱକପ୍ ମ୍ୟାଚ୍ରେ ‘ଟସ୍’ ଜିଣିବା ପରେ ଭାରତ ବିପକ୍ଷରେ ପ୍ରଥମେ ବ୍ୟାଟିଙ୍ଗ୍ କରିବା ଲାଗି ଅଷ୍ଟ୍ରେଲିଆର ଅଧିନାୟକ ପ୍ୟାଟ୍ କୁମିନ୍ସ୍ ନିଷ୍ପତ୍ତି ନେଇଛନ୍ତି। ସଦ୍ୟତମ ସୂଚନା ଅନୁସାରେ, ୨ ଓଭର୍ ଖେଳି କୌଣସି ୱିକେଟ୍ ନ ହରାଇ ଅଷ୍ଟ୍ରଲିଆ ୫ ରନ୍ ସଂଗ୍ରହ କରିଛି। ଅଷ୍ଟ୍ରେଲିଆର ଓପେନର୍ ଯୋଡ଼ି ଭାବେ ଖେଳୁଛନ୍ତି ଡେଭିଡ୍ ୱାର୍ଣ୍ଣର୍ ଓ ମିସେଲ୍ ମାର୍ସ।
ଆଜି ଭାରତୀୟ ଟିମ୍ରେ ଖେଳୁଛନ୍ତି, ରୋହିତ ଶର୍ମା (ଅଧିନାୟକ), ଈଶାନ୍ କିଷନ୍, ବିରାଟ କୋହଲି, ଶ୍ରେୟସ୍ ଆୟେର୍, କେ. ଏଲ୍. ରାହୁଲ୍ (ୱିକେଟ୍ରକ୍ଷକ), ହାର୍ଦ୍ଦିକ ପାଣ୍ଡ୍ୟା, ରବୀନ୍ଦ୍ର ଜାଦେଜା, ରବିଚନ୍ଦ୍ରନ ଅଶ୍ଵିନ, କୁଳଦୀପ ଯାଦବ, ଜସ୍ପ୍ରୀତ୍ ବୁମ୍ରା ଓ ମହମ୍ମଦ ସିରାଜ। ସୂଚନାଯୋଗ୍ୟ, ଅସୁସ୍ଥତା ଯୋଗୁଁ ଆଜି ଭାରତୀୟ କ୍ରିକେଟର୍ ଶୁବମନ୍ ଗିଲ୍ ଏହି ମ୍ୟାଚ୍ରେ ଖେଳିବେ ନାହିଁ। ତାଙ୍କ ପରିବର୍ତ୍ତେ ରୋହିତଙ୍କ ସହିତ ଈଶାନ୍ କିଷନ୍ ଓପେନିଙ୍ଗ୍ ଯୋଡ଼ି ଭାବେ ଯିବେ। ସେହିପରି, ମହମ୍ମଦ ଶାମିଙ୍କ ସ୍ଥାନରେ ରବିଚନ୍ଦ୍ରନ ଅଶ୍ଵିନଙ୍କୁ ନିଆଯାଇଛି। ସେପଟେ, ଆଜି ଅଷ୍ଟ୍ରେଲିଆ ଟିମ୍ରେ ଖେଳୁଥିବା ଖେଳାଳିମାନେ ହେଲେ, ଡେଭିଡ୍ ୱାର୍ଣ୍ଣର୍, ମିସେଲ୍ ମାର୍ସ, ଷ୍ଟିଭେନ୍ ସ୍ମିଥ୍, ମାର୍ଣ୍ଣସ୍ ଲେବୁସେନ୍, କ୍ୟାମେରନ୍ ଗ୍ରିନ୍, ଆଲେକ୍ସ କେରି (ୱିକେଟ୍ରକ୍ଷକ), ପ୍ୟାଟ୍ କୁମିନ୍ସ୍ (ଅଧିନାୟକ), ମିସେଲ୍ ଷ୍ଟାର୍କ, ଜସ୍ ହେଜେଲ୍ଉଡ୍ ଓ ଆଦାମ୍ ଜାମ୍ପା।
