ତିହିଡି: ଭଦ୍ରକ ଜିଲ୍ଲା ତିହିଡି ଅଗ୍ନିଶମ ସେବାକେନ୍ଦ୍ର କର୍ମଚାରୀ ୨ଜଣ କରୋନା ଯୋଦ୍ଧାଙ୍କୁ କାର୍ଯ୍ୟାଳୟ ପକ୍ଷରୁ ସ୍ୱାଗତ ସମ୍ବର୍ଦ୍ଧନା ଜ୍ଞାପନ କରାଯାଇଛି। ଅଗ୍ନିଶମ ସେବାକେନ୍ଦ୍ର ଦୁଇ କର୍ମଚାରୀ କରୋନା ମୁକାବିଲା ପାଇଁ ନିୟୋଜିତ ହୋଇ କରୋନା ଆକ୍ରାନ୍ତ ହୋଇଥିଲେ।ସେମାନେ ଚିକିତ୍ସିତ ହେବାପରେ କାର୍ଯ୍ୟାଳୟକୁ ଫେରିଥିଲେ। ସେହି ଦୁଇ କରୋନା ଯୋଦ୍ଧାଙ୍କୁ ଅଗ୍ନିଶମ କେନ୍ଦ୍ରର ଅଧିକାରୀ ଆଲୋକ ଦେବଗୋସ୍ୱାମୀଙ୍କ ତତ୍ତ୍ୱାବଧାନରେ ସମସ୍ତ କର୍ମଚାରୀ ସ୍ୱାଗତ ସମ୍ବର୍ଦ୍ଧନା ଜଣାଇଥିଲେ। ମହାମାରୀ କରୋନାକୁ ହରାଇ ଫେରିଥିବା ଏହି ୨ଜଣ କରୋନା ଯୋଦ୍ଧା ଆଗାମୀ ଦିନରେ ପ୍ଳାଜ଼ମା ଦେବାକୁ ଇଚ୍ଛାପ୍ରକାଶ କରିଛନ୍ତି।ସେଥିପାଇଁ ବିଭାଗ ପକ୍ଷରୁ ଆଲୋକ ଦେବଗୋସ୍ୱାମୀ ଓ ଅନ୍ୟ କର୍ମଚାରୀମାନେ ଦୁଇ କରୋନା ଯୋଦ୍ଧାଙ୍କୁ କୃତଜ୍ଞତା ଜଣାଇଛନ୍ତି।
ଅଗ୍ନିଶମ ସେବାକେନ୍ଦ୍ର କର୍ମଚାରୀ କରୋନା ଯୋଦ୍ଧାଙ୍କୁ ସମ୍ବର୍ଦ୍ଧନା
Share Now: