ତିହିଡି : ଭଦ୍ରକ ଜିଲ୍ଲା ତିହିଡି ବ୍ଲକର ବୀଣାପାଣି ସଙ୍ଗୀତ ବିଦ୍ୟାଳୟ ପକ୍ଷରୁ ତିହିଡି ସଙ୍ଗୀତ ମହାବିଦ୍ୟାଳୟ ଅଧ୍ୟକ୍ଷ ସଙ୍ଗୀତଗୁରୁ ସୁଦର୍ଶନ ନାୟକଙ୍କ ଶ୍ରଦ୍ଧାଞ୍ଜଳି ସଭା ରବିବାର ପୂର୍ବାହ୍ନରେ ଅନୁଷ୍ଠିତ ହୋଇଯାଇଛି। ଏହି ସଭାରେ କଳିଙ୍ଗ କଳାକାର ସଭାପତି ଓ ସାହିତ୍ୟ ସଂଗଠନ ‘ସଖା’ର ସଭାପତି ବିଭୁତି ଭୂଷଣ ଗ୍ରହଚାର୍ଯ୍ୟ ପୌରାହିତ୍ୟ କରିଥିଲେ। ଏଥିରେ ବୀଣାପାଣି ସଙ୍ଗୀତ ବିଦ୍ୟାଳୟ ଅଧ୍ୟକ୍ଷ ସଙ୍ଗୀତ ଗୁରୁ ଭାଗିରଥି ଦତ୍ତ ,ବିଦ୍ୟାଳୟ ସଭାପତି ନରେନ୍ଦ୍ର ବାରିକ ,କବି ବସନ୍ତ ଦାସ ,କଣ୍ଠଶିଳ୍ପୀ ବଙ୍କିମ ନାୟକ, ମନୋଜ ଗୁଇଁ ,ସିଦ୍ଧେଶ୍ୱର ଦତ୍ତ ,ନୃତ୍ୟଗୁରୁ ପ୍ରତିମା ପାତ୍ର, ଝିଲ୍ଲୀ ପାତ୍ର ,ଶୁଭଶ୍ରୀ ରାଉତ , ବାଦ୍ୟକାର ପଞ୍ଚାନନ ଦତ୍ତ , ସୁରେଶ ସେଠୀ, ଭକ୍ତହରି ସାହୁ ,ପାର୍ବତୀ ମହାଳିକ ,ବିରଞ୍ଚି ମହାଳିକ ପ୍ରମୁଖ ଯୋଗଦେଇ ସ୍ବର୍ଗତ ସୁଦର୍ଶନ ନାୟକ ଜଣେ ଏକାଧାରରେ ସଙ୍ଗୀତ ଗୁରୁ ,କବି ଗାଳ୍ପିକ ଓ ଅନୁଷ୍ଠାନ ପ୍ରେମୀ ଥିଲେ ବୋଲି କହିଥିଲେ। ତିହିଡି ଯୁବମଞ୍ଚ ସଭାପତି ଯୁବ ଗାଳ୍ପିକ କୈଳାସ ବେହେରା ଶେଷସ୍ପର୍ଶ ଦେଇଥିଲେ। ଏହି ସଭାରେ ସଙ୍ଗୀତ ବିଦ୍ୟାଳୟର ଅଭିଭାବକ, ଛାତ୍ରଛାତ୍ରୀ ଓ ସଙ୍ଗୀତପ୍ରେମୀ ଉପସ୍ଥିତ ଥିଲେ।
