ତିହିଡି : ଭଦ୍ରକ ଜିଲ୍ଲା ତିହିଡି ବ୍ଲକ ସରକାରୀ କଳା ଓ କ୍ରୀଡା ଶିକ୍ଷକଙ୍କ ପକ୍ଷରୁ ବ୍ଲକ ଶିକ୍ଷା ଅଧିକାରୀଙ୍କୁ ସ୍ୱାଗତ ସମ୍ବର୍ଦ୍ଧନା ଜ୍ଞାପନ କରାଯାଇଛି। ନୂତନ ଭାବେ ଦାୟିତ୍ୱ ଗ୍ରହଣ କରିଥିବା ବ୍ଲକ ଶିକ୍ଷା ଅଧିକାରୀ ମଧୁସୂଦନ ସେଣ୍ଡଙ୍କୁ ଶିକ୍ଷା ଅଧିକାରୀଙ୍କ କାର୍ଯ୍ୟାଳୟରେ ସରକାରୀ କଳା ଓ କ୍ରୀଡା ଶିକ୍ଷକ ପକ୍ଷରୁ ଆବାହକ ସରୋଜ କୁମାର ନାୟକ,ସଭାପତି ସିଦ୍ଧାର୍ଥ ଶଙ୍କର ସାହୁ ,ସମ୍ପାଦକ ଶୁଭ୍ରଜିତ ଚଣ୍ଡ,ମୁଖ୍ୟ ସଂଯୋଜକ ଶ୍ରୀକାନ୍ତ ମହାଳିକ ,ସହ-ସଂଯୋଜିକା ଦେବୀପ୍ରଭା ମଲ୍ଲିକ,କଳା ଶିକ୍ଷକ ଭାରତୀ ପାତ୍ର,ପ୍ରଭାସ ବଳବନ୍ତରାୟ ପ୍ରମୁଖ କର୍ମକର୍ତ୍ତା ସ୍ୱାଗତ ସମ୍ବର୍ଦ୍ଧନା ଜଣାଇଥିଲେ। ତିହିଡି ବ୍ଲକରେ କଳା ଓ କ୍ରୀଡା ଶିକ୍ଷକ ମାନଙ୍କର ବହୁ ସମସ୍ୟା ରହିଛି।ଏହି ସମସ୍ୟା ସରକାର ଓ ପ୍ରଶାସନ ନିକଟରେ ପହଞ୍ଚି ପାରୁନଥିଲା। ଏହି ପରିପ୍ରେକ୍ଷୀରେ ସରକାରୀ କଳା ଓ କ୍ରୀଡା ଶିକ୍ଷକମାନଙ୍କର ଏକ ସଂଘର ଆବଶ୍ୟକତା ଥିଲା। ଏହାକୁ ଦୃଷ୍ଟିରେ ରଖି କ୍ରୀଡା ଶିକ୍ଷକ ସରୋଜ କୁମାର ନାୟକଙ୍କ ଆବାହକତ୍ୱରେ ଅଲ୍ଲିନଗର ଠାରେ ଏକ ବିଠକ ଅନୁଷ୍ଠିତ ହୋଇଥିଲା।ଏଥି ସହିତ କଳା ଓ କ୍ରୀଡା ଶିକ୍ଷକମାନଙ୍କୁ ନେଇ ଏକ ସଂଘ ଗଠିତ ହୋଇଥିଲା।ସଭାପତି ଭାବେ ସିଦ୍ଧାର୍ଥ ସାହୁ ,ସମ୍ପାଦକ ଶୁଭ୍ରଜିତ ଚଣ୍ଡ,ମୁଖ୍ୟ ସଂଯୋଜକ ଶ୍ରୀକାନ୍ତ ମହାଳିକ,ସହ ସଂଯୋଜିକା ଦେବୀପ୍ରଭା ମଲ୍ଲିକ ଓ ବସୁନ୍ଧରା ପଣ୍ଡା ସର୍ବସମ୍ମତି କ୍ରମେ ମନୋନୀତ ହୋଇଥିବାବେଳେ କାର୍ଯ୍ୟକାରୀ ସଦସ୍ୟ ଭାବେ ସୁକୁମାର ପାଣିଗ୍ରାହୀ ,ନୃସିଂହ କୁମାର ତ୍ରିପାଠୀ,ତପନ କୁମାର ପାଣିଗ୍ରାହୀ,ବିପ୍ଳବ କୁମାର ଦାସ,ଶୋଭାମୟୀ ମିଶ୍ର, ଓଁପ୍ରକାଶ ରାଉତ,ପ୍ରଭାସ ବସନ୍ତରାୟ,ମାନଭଞ୍ଜନ ନାୟକ,ରଞ୍ଜନ କୁମାର କର,ବିପିନ ବିହାରୀ ଦଶ ପ୍ରମୁଖ ମନୋନୀତ ହୋଇଥିଲେ।
