ତିରୁଅନନ୍ତପୁରମ୍ : ଗତ ବର୍ଷ ଜାନୁଆରି ୩୦ରେ ଦେଶର ପ୍ରଥମ କରୋନା ଆକ୍ରାନ୍ତ ଚିହ୍ନଟ ହୋଇଥିଲା। ଚୀନର ଉହାନରେ ଡାକ୍ତରୀ ପାଠ ପଢୁଥିବା କେରଳର ଜଣେ ଛାତ୍ରୀ ଭାରତ ଫେରିବା ପରେ ସେ କରୋନା ସଂକ୍ରମିତ ଥିବା ଜଣାପଡ଼ିଥିଲା। ପ୍ରାୟ ଦେଢ ବର୍ଷ ପରେ ସେ ପୁଣି ଥରେ କରୋନା ସଂକ୍ରମିତ ହୋଇଥିବା ଜଣାପଡ଼ିଛି। ମିଳିଥିବା ସୂଚନା ଅନୁସାରେ ସେ ଦିଲ୍ଲୀ ଯିବାକୁ ଚାହୁଁଥିବାବେଳେ ସରକାରୀ ନିୟମ ଅନୁସାରେ ତା’ପୂର୍ବରୁ କରୋନା ପରୀକ୍ଷା କରାଇଥିଲେ। ଉକ୍ତ ପରୀକ୍ଷାରୁ ସେ କରୋନା ପଜିଟିଭ ଥିବା ଜଣାପଡ଼ିଛି। ତେବେ ତାଙ୍କ ଶରୀରେ କୌଣସି ଲକ୍ଷଣ ନାହିଁ, ଏଣୁ ଚିନ୍ତାର କୌଣସି କାରଣ ନାହିଁ ବୋଲି ଡାକ୍ତରମାନେ କହିଛନ୍ତି। ସେ ମଧ୍ୟ ଏପର୍ଯ୍ୟନ୍ତ କୌଣସି କରୋନା ଟିକା ନେଇ ନଥିବା ଜଣାପଡ଼ିଛି। ଚୀନର ଉହାନ ବିଶ୍ବ ବିଦ୍ୟାଳୟରେ ଡାକ୍ତରୀ ପଢୁଥିବା ଉକ୍ତ ଛାତ୍ରୀ ଗତ ବର୍ଷ ଜାନୁଆରି ୩୦ରେ ଭାରତ ଆସିବା ପରେ ଆଉ ଉହାନ ଫେରିନାହାନ୍ତି। ଅନଲାଇନରେ ସେ ନିଜର ପାଠ ପଢୁଛନ୍ତି। ସ୍ଥିତି ସୁଧୁରିଲେ ପୁଣି ଥରେ ଉହାନ ଫେରିବାକୁ ସେ ଲକ୍ଷ୍ୟ ରଖିଛନ୍ତି।
ପୁଣି ଥରେ କରୋନା ସଂକ୍ରମିତ ହେଲେ ଭାରତର ପ୍ରଥମ କରୋନା ଆକ୍ରାନ୍ତ
Share Now: