ବରଗଡ଼: ହାତୀ ଆକ୍ରମଣରେ ଗଲା ତିନିଜଣଙ୍କ ଜୀବନ। ବରଗଡ଼ ଜିଲ୍ଲା ଗାଇସିଲେଟ ବ୍ଲକ ଘନାମାଲ ପଞ୍ଚାୟତରେ ହାତୀ ଆକ୍ରମଣରେ ଆଜି ତିନିଜଣଙ୍କର ମୃତ୍ୟୁ ଘଟିଛି। ଏହି ତିନି ଜଣ ହେଉଛନ୍ତି ମାଳ ସେଠ୍ ଉମରାଡ,ବିରଞ୍ଚି କୁମ୍ଭାର ଉମରାଡ ଓ ଶିବ ସେଠ। ମିଳିଥିବା ସୂଚନା ମୁତାବକ ଏହି ତିନିଜଣ ବ୍ୟକ୍ତି ଆଜି ଭୋରରେ ଘର ବାହାରକୁ ଯାଇଥିବାବେଳେ ହାତୀଟିଏ ସେମାନଙ୍କୁ ଆକ୍ରମଣ କରିଥିଲା। ତେବେ ଜଣଙ୍କ ପରେ ଜଣଙ୍କୁ ହାତୀ ଦଳି ଦେଇଥିବାବେଳେ ସ୍ଥାନୀୟ ଅଞ୍ଚଳରେ ଆତଙ୍କ ଖେଳିଯାଇଛି।
ସୂଚନା ଥାଉ କି ଦୁଇ ଦିନ ତଳେ ମେଲଛାମୁଣ୍ଡା ଗାଁ ରେ ହାତୀ ଜଣଙ୍କୁ ଦଳି ମାରିଦେଇଥିଲା। ଆଉ ଆଶଙ୍କା କରାଯାଉଛି ଯେ ସେହି ହାତୀଟି ଗାଇସିଲେଟ ଅଞ୍ଚଳରେ ପହଞ୍ଚି ତିନିଜଣଙ୍କୁ ଦଳିଦେଇଛି। ସୂଚନାଯୋଗ୍ୟ ଏକ ତିନିଟିକିଆ ହାତୀପଲ ଝାଞ୍ଜପାହାଡରୁ ମେଲଛାମୁଣ୍ଡା ଅଞ୍ଚଳକୁ ଆସିଥିଲେ। ସେ ମଧ୍ୟରୁ ଦୁଇଟି ହାତୀ ସେ ଭିତରୁ ଝାଞ୍ଜପାହାଡକୁ ଫେରିଯାଇଥିବାବେଳେ ଗୋଟିଏ ହାତୀ ରହିଯାଇଥିଲା। ତେବେ ବଡ କଥା ଯେ ହାତୀ ଗତିବିଧି ନେଇ ବନ ବିଭାଗ ପକ୍ଷରେ କୌଣସି ସୂଚନା ନ ରହିବାକୁ ନେଇ ସ୍ଥାନୀୟ ଅଞ୍ଚଳରେ ଅସନ୍ତୋଷ ଦେଖାଦେଇଛି।
ଗାଇସିଲେଟରେ ହାତୀ ଆକ୍ରମଣରେ ତିନିଜଣଙ୍କର ମୃତ୍ୟୁ
Share Now: