କୋରାପୁଟ: ଆଜିକାଲି ସମସ୍ତଙ୍କ ପାଖରେ ସ୍ମାର୍ଟଫୋନ୍ ହୋଇଗଲାଣି। ଏହି ସ୍ମାର୍ଟଫୋନ୍ ଜରିଆରେ ସେଲଫି ନେବାର ନିଶା ସମସ୍ତଙ୍କୁ ଘାରିଛି। ତେବେ ଏହି ସେଲଫି ହେତୁ କେତେକ ଲୋକଙ୍କ ଜୀବନ ଚାଲି ଯାଇଥିବା ବେଳେ ଅନେକ ଗୁୁରୁତର ମଧ୍ୟ ହୋଇଛନ୍ତି। ନିକଟରେ କୋରାପୁଟଜିଲ୍ଲା ପଟାଙ୍ଗୀ ବ୍ଲକ ନୂଆଗାଁ ଗାଲିଗବଡର ଜଳପ୍ରପାତ ନିକଟରେ ଏକ ଅଭାବନୀୟ ଘଟଣା ଦେଖା ଦେଇଛି। ଜଣେ ପର୍ଯ୍ୟଟକ ବୁଲି ଆସିଥିଲେ। ଏଠାରେ ସେଲଫି ନେଉଥିବା ସମୟରେ ଅସାବଧାନତା ହେତୁ ତଳକୁ ଖସିପଡି ଗୁରୁତର ହୋଇଛନ୍ତି, ତାଙ୍କୁ ସଙ୍ଗେସଙ୍ଗେ କୋରାପୁଟ ମେଡିକାଲରେ ଚିକିତ୍ସା ପାଇଁ ଭର୍ତ୍ତ କରାଯାଇଛି ।
ସୂଚନାଯୋଗ୍ୟ, କଳାହାଣ୍ଡି ଜିଲ୍ଲାର ସୁବ୍ରତ ନାଗ ଅନ୍ୟ କିଛି ଯୁବକଙ୍କ ସହ ଗାଲିଗବଡର ସ୍ଥିତ ରତିବାଲି ଜଳପ୍ରପାତ ବୁଲିବାକୁ ଯାଇଥିଲେ । ତେବେ ଅସାବଧାନତା କାରଣରୁ ଗୋଡ ଖସିଯିବାରୁ ସୁବ୍ରତ ଜଳପ୍ରପାତର ପ୍ରାୟ ୫୦ ଫୁଟ ତଳକୁ ଖସିପଡିଥିଲେ । ତାଙ୍କ ସାଥୀରେ ଥିବା ଅନ୍ୟ ଯୁବକମାନେ ତାଙ୍କୁ ଗୁରୁତର ଅବସ୍ଥାରେ ପଟାଙ୍ଗୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତ କରିଥିଲେ । କିନ୍ତୁ ସୁବ୍ରତଙ୍କ ସ୍ୱସ୍ଥ୍ୟବସ୍ଥା ଗୁରୁତର ହେବାରୁ ତାଙ୍କୁ କୋରାପୁଟ ମେଡିକାଲ ସ୍ଥାନାନ୍ତର କରାଯାଇଛି ।
