ଭୁବନେଶ୍ବର: ସାଇକେଲ କବାଡିଖାନାରେ ବିକ୍ରି ହେବା ଘଟଣା ଥମି ନଥିବାବେଳେ ସମାନ ଢ଼ଙ୍ଗରେ ସିଟି ବସକୁ ବିକ୍ରି କରି ଦିଆଯାଇଛି। ବର୍ଷ ବର୍ଷ ଧରି ଖରା, ବର୍ଷାରେ ପଡି ଖତ ଖାଇବା ପରେ ଶେଷରେ କବାଡିଆଙ୍କୁ ଶାଗମାଛ ଦରରେ ୧୨୧ ସିଟି ବସକୁ ବିକ୍ରି କରି ଦିଆଯାଇଛି। କୋଲକାତାର ଏକ ସ୍କ୍ରାପେଜ ସଂସ୍ଥାକୁ ଏସବୁ ବସକୁ ବିକ୍ରି କରାଯାଇଛି। ତେବେ ୨୦୧୦ରେ ସିଟି ବସ୍ ସେବା ଆରମ୍ଭ ହୋଇଥିଲା। ଜବାହାରଲାଲ ନେହେରୁ ଜାତୀୟ ସହରାଞ୍ଚଳ ନବୀକରଣ ମିଶନ ଯୋଜନାରେ ୧୨୫ଟି ବସ୍ କିଣାଯାଇଥିଲା। ପ୍ରାୟ ୨୨ କୋଟି ଟଙ୍କା ବିନିମୟରେ ଏହି ସିଟି ବସଗୁଡ଼ିକୁ କିଣା ଯାଇଥିଲା। ଭୁବନେଶ୍ୱର ପୁରୀ ଟ୍ରାନ୍ସପୋର୍ଟ ସର୍ଭିସ ଲିମିଟେଡ୍ ଘରୋଇ ସଂସ୍ଥା ଡ୍ରିମ ଟିମ୍ ସାହାରା ସହ ୭ବର୍ଷିଆ ଚୁକ୍ତି କରିଥିଲା। ଆଉ ୭ ବର୍ଷ ଚାଲିବା ପରେ ଗାଡିଗୁଡିକ ଆଉ ଗଡି ନଥିଲା। ଗାଡି ଗୁଡିକ ପୋଖରିପୁଟ ଡିପୋରେ ପକାଇ ଦେଇଥିଲେ କର୍ତ୍ତୃପକ୍ଷ। ବର୍ଷ ବର୍ଷ ଧରି ବାହାରେ ପଡ଼ି ଖତ ଖାଇବା ପରେ କବାଡିଆଙ୍କୁ ୧୨୧ ଟି ସିଟି ବସ ବିକ୍ରି କରି ଦିଆଯାଇଛି।
କବାଡିଆଙ୍କୁ ଶାଗମାଛ ଦରରେ ବିକ୍ରି କରାଗଲା ସିଟି ବସ
Share Now: