ନାଗପୁର: ଗଡଚିରୋଲି ପୁଲିସର ସି-୬୦ କମାଣ୍ଡୋଙ୍କୁ ମିଳିଲା ବଡ଼ ସଫଳତା। ଆଜି ସକାଳେ କୋଟଗୁଲ-ଗ୍ୟାରାପଟ୍ଟୀ ଜଙ୍ଗଲରେ ଚାଲିଥିବା ଏନକାଉଣ୍ଟର ସମୟରେ ଗଡଚିରୋଲି ପୁଲିସର ସି-୬୦ କମାଣ୍ଡୋଙ୍କ ଗୁଳିରେ ୮ରୁ ଅଧିକ ମାଓବାଦୀ ନିହତ ହୋଇଥିବା ଜଣାପଡ଼ିଛି। ସୂତ୍ରରୁ ମିଳିଥିବା ସୂଚନା ମୁତାବକ, ଏହି ଏନକାଉଣ୍ଟରରେ ପ୍ରାୟ ୧୨ରୁ ଅଧିକ ବିଦ୍ରୋହୀ ଗରିଲା ସଂଗ୍ରାମୀ ଆହତ ହୋଇଛନ୍ତି। ଏସପି ଅଙ୍କିତଙ୍କ କହିବା ମୁତାବକ, ସକାଳ ୬ଟା ୩୦ ସମୟରେ ମାଓବାଦୀଙ୍କ ସହ ଗୁଳିବିନିମୟ ଆରମ୍ଭ ହୋଇଥିଲା। କିଛି ଘଣ୍ଟାର ଗୁଳିବିନିମୟ ପରେ ୮ରୁ ଅଧିକ ମାଓବାଦୀଙ୍କ ମୃତ୍ୟୁ ହୋଇଥିବା ଆଶା କରାଯାଉଛି। ଘଟଣାସ୍ଥଳରୁ ଅନେକ ଅସ୍ତ୍ରଶସ୍ତ୍ର ଓ ବିସ୍ଫୋରକ ସାମଗ୍ରୀ ଜବତ କରାଯାଇଥିବା ବେଳେ ମାଓବାଦୀମାନେ ନିଜ ମୃତ ସାଥୀମାନଙ୍କୁ ନେଇ ଖସିଯିବାକୁ ଉଦ୍ୟମ କରୁଥିବା କହିଛନ୍ତି ଏସପି ଅଙ୍କିତ। ଏବେ ବି ସର୍ଚ୍ଚ ଅପରେସନ ଜାରି ରହିଥିବା ବେଳେ ଖସିଯାଇଥିବା ମାଓବାଦୀଙ୍କୁ ଖୋଜିବାକୁ ଉଦ୍ୟମ କରାଯାଉଛି ବୋଲି ଏସପି ଅଙ୍କିତ କହିଛନ୍ତି।
Share Now:
