ମାଲକାନଗିରି: ପୁଲିସକୁ ମିଳିଛି ବଡ ସଫଳତା। ଗଞ୍ଜେଇ ଜବତ କରିବା ସହ ୩ ଜଣ ଆସାମୀକୁ ଗିରଫ କରିଛି। ଏଥିସହ କାର, ବାଇକ୍ ମଧ୍ୟ ଜବତ କରିଛି। ବିଶେଷ ସୂତ୍ରରୁ ଖବର ପାଇ ମାଲକାନଗିରି ଆଇଆଇସି ରିଗାନ କିଣ୍ଡୋଙ୍କ ପ୍ରତ୍ୟକ୍ଷ ତତ୍ବାବଧାନରେ ଏସଆଇ କେ.ସାଙ୍ଗନାଙ୍କ ନେତୃତ୍ବରେ ଏକ ଟିମ ସିଖପାଲି ନିକଟସ୍ଥ ସିଙ୍ଗରାଜ ଖୁଣ୍ଟା ନିକଟରେ ଦ୍ରୁତଗତିରେ ଏକ କାର ଯାଉଥିବା ଦେଖିବାକୁ ପାଇଥିଲେ। ସେମାନେ କାରକୁ ଅଟକାଇ ଯାଞ୍ଚ କରିବା ପରେ ସେଥିରେ ୩୨ଟି ବ୍ୟାଗ ରହିଥିବା ଜାଣିବାକୁ ପାଇଥିଲେ। ମାଲକାନଗିରି ପୁଲିସ ପରେ ଗଞ୍ଜେଇ ବସ୍ତାକୁ ଥାନାକୁ ଆଣି ଓଜନ କରିବା ପରେ ସେଥିରେ ୯୪୦ କିଲୋ ଗଞ୍ଜେଇ ରହିଥିବା ଜାଣିବାକୁ ପାଇଥିଲେ। ଗଞ୍ଜେଇ ଚାଲାଣ କରୁଥିବା ତିନି ଜଣ ବ୍ୟକ୍ତିଙ୍କୁ ମଧ୍ୟ ପୁଲିସ ଗିରଫ କରିଛି। ସେମାନେ ହେଲେ ତେଲେଙ୍ଗାନା ଅଞ୍ଚଳର ଆର.ଶ୍ରୀନିବାସ, କାଲିମେଳାର ମୁନ୍ନା ବାଲାରାଲ ଏବଂ ଏମଭି-୮୦ ଗ୍ରାମର ଦେବେନ୍ଦ୍ର ଟିକାଦାର। ଏମାନଙ୍କ ଠାରୁ ପୁଲିସ ଦୁଇଟି ମଟର ସାଇକେଲ, ଗୋଟିଏ ହୋଣ୍ଡା କାର, ୩ଟି ମୋବାଇଲ ଏବଂ ୨୫୦୦ ଟଙ୍କା ନଗଦ ଜବତ କରିଛି। ସମସ୍ତ ଆସାମୀକୁ ଆଜି କୋର୍ଚ ଚାଲାଣ କରାଯାଇଥିବା ଆଇଆଇସି ଶ୍ରୀ କିଣ୍ଡୋ ପ୍ରକାଶ କରିଛନ୍ତି। ଲଗାତାର ମାଲକାନଗିରି ଜିଲ୍ଲା ପୁଲିସର ଚଢାଉରେ କୌଣସି ନା କୌଣସି ଥାନାରେ ଗଞ୍ଜେଇ ଜବତ କରାଯିବା ସହ ଆସାମୀମାନଙ୍କୁ ଗିରଫ କରାଯାଇଛି। ଆଗାମୀ ଦିନରେ ମଧ୍ୟଏହି ଚଡାଉ ଜାରି ରହିବ ବୋଲି ଆଇଆଇସି ଶ୍ରୀ କିଣ୍ଡୋ ପ୍ରକାଶ କରିଛନ୍ତି।
ମାଲକାନଗିରିରୁ ୯୪୦ କିଲୋ ଗଞ୍ଜେଇ ଜବତ : ୩ ଗିରଫ
Share Now: