କୋଇଡା : ସୁନ୍ଦରଗଡ଼ ଜିଲ୍ଲା କୋଇଡା ଥାନା ଅନ୍ତର୍ଗତ କନ୍ତରକୋଇଡା ଗ୍ରାମରେ ଅଭାବନୀୟ ଘଟଣା। ଘରୋଇ କଳିକୁ କେନ୍ଦ୍ର କରି ନାତିର ବିଧା ମାଡ଼ରେ ଜେଜେବାପ ର ମୃତ୍ୟୁ ହୋଇଛି। ସୂଚନା ମୁତାବକ ପୂର୍ବ ରାତିରେ ଜେଜେ ବାପା ମନୋଜ ମହାନ୍ତ (୬୫) ଏବଂ ନାତି ରୋହିତ ମହାନ୍ତ ମଧ୍ୟରେ ବଚସା ହୋଇଥିଲା ଯେଉଁଥିରେ ଉତ୍ତକ୍ଷିପ୍ତ ହୋଇ ନାତି ରୋହିତ ମହାନ୍ତ (୨୩) ଜେଜେବାପା ଙ୍କୁ ଆକ୍ରମଣ କରିଥିଲା। ଏମିତିକି ଜେଜେବାପା ତଳେ।ପଡିଯିବା ପରେ ମଧ୍ୟ ନୃଶଂସ ନାତି ତାଙ୍କ ଛାତି ଉପରେ ବସି ମୁହଁକୁ ବିଧା ପରେ ବିଧା ମାରି ଚାଲିଥିଲେ। ଯେଉଁଥିରେ ଘଟଣା ସ୍ଥଳରେ ତାଙ୍କର ମୃତ୍ୟୁ ହୋଇଚି। ସୂଚନା ପାଇ କୋଇଡା ପୋଲିସ ଘଟଣା ସ୍ଥଳରେ ପହଞ୍ଚି ଶବକୁ ଜବତ କରିବା ସହ ନୃଶଂସ ନାତିକୁ ଗିରଫ କରିଛି।
Share Now: