ଭୁବନେଶ୍ୱର: ନିଶା ନିବାରଣ କେନ୍ଦ୍ରରେ ଯୁବକଙ୍କୁ ହତ୍ୟା ଅଭିଯୋଗ। ଭୁବନେଶ୍ୱରର କୋଲାଥିଆରେ ଥିବା ନିଷ୍ଠା ନିଶା ନିବାରଣ କେନ୍ଦ୍ର ନାମରେ ଏଭଳି ସଂଗୀନ ଅଭିଯୋଗ ଆସିଛି। ଅଭିଯୋଗ ମୁତାବକ ମୃତ ଯୁବକଙ୍କ ନାମ ରାଜୀବ ଶ୍ରୀ ଚନ୍ଦନ ହୋଇଥିବାବେଳେ ସେ ଜଣେ ସରକାରୀ କର୍ମଚାରୀ ଥିଲେ। ନିଶାନିବାରଣ କେନ୍ଦ୍ରରେ ଯୁବକଙ୍କୁ ପିଟିପିଟି ମାରିଦେଇଥିବାର ସ୍ଥାନୀୟ ଲୋକ ଅଭିଯୋଗ କରିଛନ୍ତି। ରାଜୀବଙ୍କ ସମ୍ପର୍କୀୟମାନେ କହିଛନ୍ତି ଯେ ନିଶା ନିବାରଣ କେନ୍ଦ୍ରରେ ଏକ ସପ୍ତାହ ତଳେ ତାଙ୍କୁ ଭର୍ତ୍ତି କରାଯାଇଥିଲା।
ନିଶା ନିବାରଣ କେନ୍ଦ୍ର ନିକଟରେ ଏମ୍ସ ଥିଲେ ବି କାହିଁକି ତାଙ୍କୁ କ୍ୟାପିଟାଲ ହସ୍ପିଟାଲକୁ ନେଇଥିଲେ ବୋଲି ସେମାନେ ପ୍ରଶ୍ନ କରିଛନ୍ତି। ରାଜୀବଙ୍କ ସମ୍ପର୍କୀୟ କହିଛନ୍ତି ଯେ ମେଡିକାଲକୁ ଆମ୍ବୁଲାନ୍ସରେ ନ ନେଇ ଏକ ପ୍ରାଇଭେଟ୍ ଅଟୋରେ କାହିଁକି ନେଲେ। ହତ୍ୟା ଅଭିଯୋଗ ନେଇ ସ୍ଥାନୀୟ ବାସିନ୍ଦା ଓ ସାଙ୍ଗ ଖଣ୍ଡଗିରି ଥାନାର ଦ୍ୱାରସ୍ଥ ହୋଇଛନ୍ତି। ନିଷ୍ଠା ନିଶା ନିବାରଣ କେନ୍ଦ୍ରର ସମସ୍ତ ସିସିଟିଭି ଫୁଟେଜ ଯାଞ୍ଚ କରିବା ସହ ନିଷ୍ଠା ନିଶା ନିବାରଣ କେନ୍ଦ୍ରର ପରିଚାଳକଙ୍କୁ ଗିରଫ ପାଇଁ ଦାବି କରାଯାଇଛି।
ନିଶା ନିବାରଣ କେନ୍ଦ୍ରରେ ଯୁବକଙ୍କୁ ହତ୍ୟା ଅଭିଯୋଗ
Share Now: