ନୂଆଦିଲ୍ଲୀ: ଘନ କୁହୁଡ଼ି ହେତୁ ରାସ୍ତା ଜାଣି ନପାରି ଭୁଲରେ ପାକିସ୍ତାନ ସୀମା ଭିତରକୁ ପଶିଗଲେ ଭାରତୀୟ ଯବାନ୍। ଆଜି ସକାଳୁ ଘଟିଛି ଏପରି ଘଟଣା। ଭାରତୀୟ ସୀମା ସୁରକ୍ଷା ବଳ (ବିଏସଏଫ)ର ଜଣେ କର୍ତ୍ତବ୍ୟରତ ଯବାନଙ୍କୁ ପାକ୍ ରେଞ୍ଜର୍ସ କାବୁ କରିବା ପରେ ଏହି ସୂଚନା ସାମ୍ନାକୁ ଆସିଛି। ପାକ ରେଞ୍ଜର୍ସ ବିଏସଏଫକୁ ଏହି ଖବର ଜଣାଇବା ପରେ ଉଭୟ ପକ୍ଷ ମଧ୍ୟରେ ଆଲୋଚନା ହୋଇ ଯବାନଙ୍କୁ ମୁକ୍ତ କରାଯାଇଥିଲା। ବିଏସଏଫର ଜଣେ ବରିଷ୍ଠ ଅଧିକାରୀ କହିଛନ୍ତି ଯେ ଭାରତ-ପାକ୍ ସୀମାର ଆବୋହର ସେକ୍ଟରରେ ଥିବା ୧୬୦ ବାଟାଲିୟନର ପୁରନ୍ ଆଉଟପୋଷ୍ଟରେ କାର୍ଯ୍ୟରତ ହେଡକନଷ୍ଟେବଳ ହେମନାଥ ଘନ କୁହୁଡ଼ି ହେତୁ ଅଜାଣତରେ ପାକିସ୍ତାନ ସୀମାକୁ ପ୍ରବେଶ କରିଥିଲେ। ସକାଳ ପ୍ରାୟ ୬.୩୦ ମିନିଟରେ ଏପରି ଘଟିଥିଲା। ପରେ ଦୁଇପକ୍ଷ ମଧ୍ୟରେ ଆଲୋଚନା ହୋଇ ପାକ କର୍ତ୍ତୃପକ୍ଷ ହେମନାଥଙ୍କୁ ମୁକ୍ତ କରିଥିଲେ।
କୁହୁଡ଼ିରେ ବାଟ ଜାଣି ନପାରି ପାକ୍ ସୀମା ଭିତରକୁ ପଶିଗଲେ ଭାରତୀୟ ଯବାନ
Share Now: