ନୂଆଦିଲ୍ଲୀ: ମୁଁ ବଞ୍ଚିଛି, ମୋ ପୁଅ ମୋତେ ମାରିନାହିଁ। ଏଭଳି କହି ଲୋକଙ୍କ ଦ୍ଵନ୍ଦ ଦୂର କଲେ ଅଭିନେତ୍ରୀ। କିଛି ଦିନ ପୂର୍ବରୁ ଅଭିନେତ୍ରୀ ବୀଣା କପୁରଙ୍କ ହତ୍ୟା ଖବର ସାମ୍ନାକୁ ଆସିଥିଲା। ବୀଣା କପୁରଙ୍କୁ ତାଙ୍କ ପୁଅ ହତ୍ୟା କରିଥିଲେ ବୋଲି ଚର୍ଚ୍ଚା ହୋଇଥିଲା। ଏହି ଖବର ତାଙ୍କ ପ୍ରଶଂସକଙ୍କ ପାଇଁ ହୃଦୟ ବିଦାରକ ଥିଲା। ଏଭଳି ଚର୍ଚ୍ଚା ମଧ୍ୟରେ ବର୍ତ୍ତମାନ ଏହି ଘଟଣାରେ ଏକ ନୂଆ ମୋଡ଼ ଆସିଛି। ଯେଉଁ ଅଭିନେତ୍ରୀଙ୍କୁ ଲୋକେ ମୃତ ବୋଲି ଭାବିଥିଲେ ସେ ପ୍ରକୃତରେ ଜୀବିତ ଅଛନ୍ତି। ଏହି ମିଥ୍ୟା ଖବରରେ ବିବ୍ରତ ହୋଇ ଅଭିନେତ୍ରୀ ବୀଣା କପୁର ଦିଣ୍ଡୋସି ପୁଲିସ ଷ୍ଟେସନରେ ଅଭିଯୋଗ କରିଛନ୍ତି। ଏହି ଖବରର ସତ୍ୟତା ବିଷୟରେ ଜଣାଇ ଅଭିନେତ୍ରୀ କହିଛନ୍ତି, ‘ମୁଁ ସମସ୍ତଙ୍କୁ ଜଣାଇବାକୁ ଚାହୁଁଛି ଯେ ମୁଁ ଜୀବିତ ଅଛି। ଯେଉଁ ବୀଣା କପୁରଙ୍କ ହତ୍ୟା କରାଯାଇଛି, ସେ ବି ଜଣେ ଅଭିନେତ୍ରୀ ଥିଲେ। ଆମେ ଦୁହେଁ ଏକ ପଞ୍ଜାବୀ ଧାରାବାହିକରେ ଏକାଠି କାମ କରିଥିଲୁ। ଏହା ସତ୍ୟ ଯେ ବୀଣା କପୁରଙ୍କ ମୃତ୍ୟୁ ହୋଇଛି। କିନ୍ତୁ ମୁଁ ସେହି ବୀଣା କପୁର ନୁହେଁ। ମୁଁ ଆଉ ଜଣେ ବୀଣା କପୁର। ମୁଁ ମୋ ପୁଅ ସହିତ ଗୋରେ ଗାଁଓରେ ରହେ। ସେଥିପାଇଁ ଲୋକମାନେ ଭାବିନେଲେ ଯେ ମୋତେ ମୋ ପୁଅ ହତ୍ୟା କରିଛି। ହେଲେ ଏହା ସତ ନୁହେଁ। ବୀଣା କପୁରଙ୍କ ପୁଅ ଅଭିଷେକ ଚଢ଼ା କହିଛନ୍ତି ଯେ, ‘ଏହି ଖବର ଶୁଣିବା ପରେ ମୁଁ ଅବାକ ହୋଇଯାଇଥିଲି। ମିଥ୍ୟା ଖବର ପ୍ରଚାର ପରେ ମୁଁ ଅସୁସ୍ଥ ହୋଇପଡିଥିଲି। ମୁଁ ମୋର ମା’ଙ୍କୁ ହତ୍ୟା କରି ନାହିଁ। ମୋ ମା’ ବଞ୍ଚିଛନ୍ତି।
ମୁଁ ବଞ୍ଚିଛି, ମୋ ପୁଅ ମୋତେ ମାରିନାହିଁ : ଅଭିନେତ୍ରୀ ବୀଣା କପୁର
Share Now: