ଜୟପୁର: ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲୋଟଙ୍କ ସୁରକ୍ଷାରେ ଆଜି ଏକ ବଡ ତ୍ରୁଟି ଦେଖିବାକୁ ମିଳିଛି। ଆଉ ଢିଲା ସୁରକ୍ଷା ବଳୟକୁ ଭେଦ କରି ଜଣେ ଯୁବକ ମୁଖ୍ୟମନ୍ତ୍ରୀଙ୍କ ପାଖରେ ପହଞ୍ଚିଯାଇଥିଲେ। ବାସ୍ତବରେ ରାଜସ୍ଥାନର ଭରତପୁର ଜିଲ୍ଲାରେ ଚୌଧୁରୀ ଚରଣ ସିଂଙ୍କ ୧୨୦ ତମ ଜନ୍ମ ବାର୍ଷିକୀ ଅବସରରେ ଏକ କୃଷକ ସଭା ଆୟୋଜିତ ହୋଇଥିଲା। ଏହି କାର୍ଯ୍ୟକ୍ରମରେ ଅଂଶଗ୍ରହଣ କରିବା ପରେ ଯେତେବେଳେ ମୁଖ୍ୟମନ୍ତ୍ରୀ ଫେରିବା ପାଇଁ ହେଲିପ୍ୟାଡରେ ପହଞ୍ଚିଥିଲେ, ସେହି ସମୟରେ ଜଣେ ମାନସିକ ରୋଗୀ ତାଙ୍କ ସୁରକ୍ଷା ସର୍କଲ ଭାଙ୍ଗି ହେଲିପ୍ୟାଡରେ ପହଞ୍ଚିଯାଇଥିଲେ। ସେତେବେଳକୁ ମୁଖ୍ୟମନ୍ତ୍ରୀ ହେଲିକପ୍ଟରରେ ଚଢି ସାରିଥିଲେ। ଆଉ ଏହା ଦେଖି ସୁରକ୍ଷାକର୍ମୀ ତୁରନ୍ତ ମାନସିକ ରୋଗୀଙ୍କୁ ଧରି ହେଲିପ୍ୟାଡରୁ ବାହାର କରି ମଥୁରା ଗେଟ୍ ପୁଲିସ ଷ୍ଟେସନକୁ ହସ୍ତାନ୍ତର କରିଥିଲା। ବାସ୍ତବରେ ଆଜି ମୁଖ୍ୟମନ୍ତ୍ରୀ ଅଶୋକ ଗେହଲୋଟ୍ ଭରତପୁରରେ ପହଞ୍ଚିଥିଲେ। ପୁଲିସ ପ୍ୟାରେଡ ଗ୍ରାଉଣ୍ଡରେ ଏକ ହେଲିପ୍ୟାଡ ତିଆରି କରାଯାଇଥିଲା।
ଏହି କାର୍ଯ୍ୟକ୍ରମରେ ଯୋଗଦେବା ପରେ ଯେତେବେଳେ ମୁଖ୍ୟମନ୍ତ୍ରୀଙ୍କୁ ଦିଲ୍ଲୀ ଯିବାର ଥିଲା। ଏଥିପାଇଁ ମୁଖ୍ୟମନ୍ତ୍ରୀ ହେଲିପ୍ୟାଡରେ ପହଞ୍ଚିଥିଲେ। ଯେତେବେଳେ ମୁଖ୍ୟମନ୍ତ୍ରୀ ହେଲିକପ୍ଟରରେ ବସିଥିଲେ ସେତେବେଳେ ସେଠାକୁ ଜଣେ ଯୁବକ ଆସିଥିଲେ, ଯାହାର ହାତରେ ଫୋନ୍ ଥିଲା ଏବଂ ହେଲିକପ୍ଟର ସହିତ ଫଟୋ ଉଠାଇବାକୁ ଚେଷ୍ଟା କରିଥିଲା। ଏହାପୂର୍ବରୁ ସେ ଫଟୋ ଉଠାଇବା ପାଇଁ ହେଲିକପ୍ଟର ନିକଟରେ ପହଞ୍ଚିବା ପୂର୍ବରୁ ସୁରକ୍ଷା କର୍ମୀ ତାଙ୍କୁ ଧରି ମଥୁରା ଗେଟ୍ ପୁଲିସ ଷ୍ଟେସନକୁ ହସ୍ତାନ୍ତର କରିଥିଲେ। ଯେତେବେଳେ ପୁଲିସ ଯୁବକଙ୍କୁ ପୁଲିସ ଷ୍ଟେସନକୁ ଆଣି ପଚରାଉଚରା କରିଥିଲା ସେତେବେଳେ ଯୁବକ ଜଣକ କହିଥିଲେ ଯେ ନାମ ହର୍ଷ ଗୋୟଲ ଏବଂ ତାଙ୍କ ପିତାଙ୍କ ନାମ ପ୍ରମୋଦ ଗୋୟଲ। ସେ ରାଜେନ୍ଦ୍ର ନଗରର ବାସିନ୍ଦା। ଏହା ପରେ ପୁଲିସ ଯୁବକଙ୍କ ପରିବାର ସହ ଯୋଗାଯୋଗ କଲା ପରେ ଜାଣିବାକୁ ପାଇଥିଲା ଯେ ଯୁବକ ଜଣକ ଜଣେ ମାନସିକ ରୋଗୀ। ତାଙ୍କର ଚିକିତ୍ସା ମଧ୍ୟ ଚାଲିଛି।
