ଲଣ୍ଡନ: ଯୌନ ଉଦ୍ଦୀପକ ଫଟୋ ନେବା ପାଇଁ ଜଣେ ୧୭ ବର୍ଷୀୟ ତରୁଣୀଙ୍କୁ ୩୫,୦୦୦ ପାଉଣ୍ଡ୍ ଦେଇଥିବା ଅଭିଯୋଗରେ ଜଣେ ‘ଷ୍ଟାର୍’ ଉପସ୍ଥାପକଙ୍କୁ ନିଲମ୍ବନ କରାଯାଇଥିବା କଥା ରବିବାର ଦିନ ‘ବିବିସି’ କହିଛି। ଇଂଲଣ୍ଡର ସଂସ୍କୃତି ମନ୍ତ୍ରୀ ଲୁସି ଫ୍ରେଜର୍ କହିଛନ୍ତି, ଏଥିପାଇଁ ପୂର୍ବରୁ ମୁଁ ‘ବିବିସି’ର ମହାନିର୍ଦ୍ଦେଶକ ଟିମ୍ ଡେଭାଇଙ୍କ ନିକଟରେ ଗଭୀର ଉଦ୍ବେଗ ପ୍ରକାଶ କରିଥିଲି। ଘଟଣା ଉପରେ ଗୁରୁତ୍ୱ ଦେଇ ‘ବିବିସି’ ତଦନ୍ତ କରୁଛି ବୋଲି ସେ ପ୍ରତିଶ୍ରୁତି ଦେଇଥିଲେ। ପ୍ରଥମେ ଏ ଖବର ରିପୋର୍ଟ କରିଥିବା ‘ସନ୍’ ସମ୍ବାଦପତ୍ର କହିଛି, ଉକ୍ତ ତରୁଣୀଙ୍କ ମାଆଙ୍କ କହିବା ଅନୁସାରେ, ୩ ବର୍ଷ ପାଇଁ ଏଭଳି ଫଟୋ ଦେବା ପାଇଁ ଜଣେ ଅଜ୍ଞାତ ‘ବିବିସି’ ଉପସ୍ଥାପକ ମୋ ଝିଅକୁ ୩୫ ହଜାର ପାଉଣ୍ଡ୍ ପ୍ରଦାନ କରିଛନ୍ତି। ଏହି ଅର୍ଥରେ ମୋ ଝିଅ ‘କୋକେନ୍’ ଭଳି ନିଶାଦ୍ରବ୍ୟ ସେବନ କରୁଛି।
ଅର୍ଥ ଦେବା ସମୟରେ ୧୭ ବର୍ଷ ହୋଇଥିବା ଉକ୍ତ ତରୁଣୀଙ୍କ ପରିବାର କହିଛନ୍ତି ଯେ, ସେମାନେ ମେ ୧୯ ତାରିଖରେ ‘ବିବିସି’ରେ ଅଭିଯୋଗ କରିବାର ମାସେ ପରେ ମଧ୍ୟ ସେ ଉପସ୍ଥାପକ ଟେଲିଭିଜନ୍ରେ କାର୍ଯ୍ୟକ୍ରମ ଉପସ୍ଥାପନ କରୁଥିଲେ। ‘ବିବିସି’ କହିଛି, ପ୍ରଥମେ ମେ ମାସରେ ଆଗତ ଅଭିଯୋଗ ବିଷୟରେ ସେମାନେ ଅବଗତ ଥିଲେ। କିନ୍ତୁ, ଗୁରୁବାର ଦିନ ଉକ୍ତ ଅଭିଯୋଗକୁ ପୁଣି ଥରେ ଭିନ୍ନ ଭାବରେ ଉପସ୍ଥାପନା କରାଯିବାରୁ ଉକ୍ତ ପୁରୁଷ ଉପସ୍ଥାପକଙ୍କୁ ନିଲମ୍ବନ କରାଯାଇଛି। ପୁଲିସ ସହଯୋଗରେ ଅଧିକ ତଦନ୍ତ ପରେ ପରବର୍ତ୍ତୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।
ଯୌନ ଉଦ୍ଦୀପକ ଫଟୋ ପାଇଁ ନିଲମ୍ବିତ ହେଲେ ‘ବିବିସି’ ଉପସ୍ଥାପକ
Share Now: