ବାଲିପାଟଣା : ଫାଇନାନସ କର୍ମଚାରୀଙ୍କଠାରୁ ଲୁଟ୍ କରିବାକୁ ଯାଇ ଲୋକଙ୍କ ହାବୁଡ଼ରେ ପଡ଼ି ଛେଚା ଖାଇଲେ ୨ ଲୁଟେରା। ପୁଲିସ ଲୁଟେରାଙ୍କୁ ଉଦ୍ଧାର କରି ଥାନାରେ ଅଟକ ରଖିଛି। ବାଳକାଟି ନିକଟ ଆଇଡି ଏଫ୍ସି ଫାଷ୍ଟ ବ୍ୟାଙ୍କର ଅର୍ଥ ଆଦାୟ କରୁଥିବା କର୍ମଚାରୀ ଦେବାଶିଷ ମହାନ୍ତି ଆଜି ସକାଳୁ ସୋଵନି ଗ୍ରାମରୁ କଲେକ୍ସନ ସାରି ରାଜସ ଗରିଆକୁ କିସ୍ତି ପାଇଁ ଯାଉଥିଲେ। ଗାରେଡିପାଞ୍ଚଣ ଛକରୁ ଦୁଇ ଦୁବୁର୍ତ୍ତ ଏକ ନିଳ ରଙ୍ଗର ଡିଲକ୍ସ ବାଇକରେ ତାଙ୍କୁ ପିଛା କରି ରାଜସ କୃଷ୍ଣପୁର ମେଲଣ ପଡିଆ ପାଖରେ ଅଟକାଇ ତାଙ୍କୁ ହେଲ୍ମେଣ୍ଟରେ ଆକ୍ରମଣ କରିବା ସହ ତାଙ୍କଠାରୁ ଟଙ୍କା ଛଡାଇ ନେଇଥିଲେ। ସେ ଚିତ୍କାର କରିବାରୁ ସେଠାରେ ଉପସ୍ଥିତ ସ୍ଥାନୀୟ ଲୋକେ ଦୁଇ ଦୁବୁର୍ତ୍ତଙ୍କୁ କାବୁ କରିବା ସହ ପୁଲିସକୁ ଖବର ଦେଇଥିଲେ। ପୁଲିସ ୨ ଅଭିଯୁକ୍ତଙ୍କୁ ଅଟକ ରଖି ଅଧିକ ତଦନ୍ତ ଜାରି ରଖିଛି।
Share Now:
