ସୁନ୍ଦରଗଡ଼: ଷଣ୍ଢ ଆକ୍ରମଣରେ ଚାଲିଗଲା ଯୁବକଙ୍କ ଜୀବନ। ଅଭାବନୀୟ ଘଟଣାଟି ଘଟିଛି ସୁନ୍ଦରଗଡ଼ ଜିଲ୍ଲା ରାଜଗାଙ୍ଗପୁର ଥାନା କୁଣ୍ଡୁପଡ଼ା ଅଞ୍ଚଳରେ। ମୃତକ ହେଲେ ରାକେଶ ନାଗ। ମିଳିଥିବା ସୂଚନା ଅନୁଯାୟୀ, ଆଜି ସକାଳ ସାଢ଼େ ୭ଟାରେ କୁଣ୍ଡୁପଡ଼ାରେ ରହୁଥିବା ୩୯ ବର୍ଷୀୟ ରାକେଶ ନାଗ ଘର ଆଗରେ ଥିବା ଏକ ମଣ୍ଡପରେ ଛିଡ଼ା ହୋଇଥିବା ସମୟରେ ଗୋଟିଏ ବୁଲା ଷଣ୍ଢ ତାଙ୍କୁ ଆକ୍ରମଣ କରିଥିଲା। ରାକେଶ କିଛି ବୁଝିବା ପୂର୍ବରୁ ତାଙ୍କୁ ଶିଙ୍ଘ ସାହାଯ୍ୟରେ ଟେକି କଚାଡ଼ି ଦେଇଥିଲା। ରାକେଶଙ୍କୁ ଗୁରୁତର ଅବସ୍ଥାରେ ସ୍ଥାନୀୟ ସିଏଚସିକୁ ଚିକିତ୍ସା ଲାଗି ନିଆଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ରାଜଗାଙ୍ଗପୁର ପୌର ପାଳିକାର ବିଭିନ୍ନ ଅଞ୍ଚଳରେ ବୁଲା ଗାଈ ଓ ଷଣ୍ଢଙ୍କ ଦୌରାତ୍ମ୍ୟ ବଢ଼ିଚାଲିଥିବା ବେଳେ ଆଜିର ଘଟଣା ପରେ ସ୍ଥାନୀୟ ଲୋକେ ଆତଙ୍କିତ ଅବସ୍ଥାରେ ରହିଥିବା ଜଣାପଡ଼ିଛି।
Share Now: