ରାଉରକେଲା: ନିଆଁରେ ପୋଡ଼ି ହୋଇ ଦମ୍ପତି ଗୁରୁତର। ଏଭଳି ଅଭାବନୀୟ ଘଟଣା ଘଟିଛି ସୁନ୍ଦରଗଡ଼ ଜିଲ୍ଲା ବଣାଇରେ। ଗୁରୁତର ଅବସ୍ଥାରେ ସ୍ବାମୀ ଶିବାଜୀ ଲାକ୍ରା ଏବଂ ସ୍ତ୍ରୀ ଅନିତା ଲାକ୍ରା ରାଉରକେଲା ସରକାରୀ ଡାକ୍ତରଖାନାରେ ଭର୍ତ୍ତି ହୋଇଛନ୍ତି। ସୂଚନା ଅନୁଯାୟୀ, ବଣାଇ କଲେଜ ପଛ ପାର୍ଶ୍ଵ ଏକ ଘରେ ରହୁଥିବା ଶିବାଜୀ ଲାକ୍ରା ଏବଂ ସ୍ତ୍ରୀ ଅନିତା ଲାକ୍ରା ଶିବାଜୀ ଓଏମସିରେ କାମ କରନ୍ତିl ଦୁହେଁ ପୋଡ଼ି ହୋଇ ଗୁରୁତର ହୋଇଛନ୍ତି। ଉଭୟଙ୍କୁ ପ୍ରଥମେ ପ୍ରଥମେ ବଣାଇ ଡାକ୍ତରଖାନା ଓ ପରେ ଗୁରୁତର ହେବାରୁ ରାଉରକେଲା ସରକାରୀ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି। ନିଆଁ ଲାଗିବାର କାରଣ ଅସ୍ପଟ ରହିଛି। ଅନିତାଙ୍କ ଶରୀର ୬୦ ପ୍ରତିଶତ ପୋଡ଼ିହୋଇ ଯାଇଥିବା ବେଳେ ସ୍ୱାମୀଙ୍କ ହାତ ଅନ୍ୟ ଅଙ୍ଗ ନିଆଁରେ ପୋଡ଼ି ହୋଇଛି। ଦେହରେ ନିଆଁ ଲାଗିବା ଦେଖି ସ୍ୱାମୀଙ୍କୁ ବଞ୍ଚାଇବାକୁ ଯାଇ ସ୍ତ୍ରୀ ମଧ୍ୟ ପୋଡ଼ି ହୋଇଯାଇଥିବା କୁହାଯାଉଛି। ବଣାଇ ପୁଲିସ ଘଟଣାର ତଦନ୍ତ ଆରମ୍ଭ କରିଛି।
Share Now:
