ବିଶାଖାପାଟଣା : ବିଶାଖାପାଟଣାରେ ଗତ ଗୁରୁବାର ଖେଳାଯାଇଥିବା ପ୍ରଥମ ଟି-୨୦ରେ ଭାରତ ଅଷ୍ଟ୍ରେଲିଆକୁ ୨ ଓ୍ବିକେଟରେ ହରାଇ ଦେଇଥିଲା। ତେବେ ଏହି ମ୍ୟାଚପରେ ପୁଣି ଚର୍ଚ୍ଚାକୁ ଆସିଯାଇଛନ୍ତି ରିଙ୍କୁ ସିଂ। ଏହି ରୋମାଞ୍ଚକର ମ୍ୟାଚର ଶେଷ ଓଭରରେ ସେ ଭାରତକୁ ଜିତାଇଥିଲେ। ଏହା ଫଳରେ ସେ ଜଣେ ବଲ ଫିନିସର ମାନ୍ୟତା ପାଇଛନ୍ତି। ମ୍ୟାଚକୁ ଫିନିସ କରିବାର କଳା ସେ ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀଙ୍କଠାରୁ ଶିଖିଥିବା ସେ କହିଛନ୍ତି। ମ୍ୟାଚ୍ ପରେ ବିସିସିଆଇ ସୋସିଆଲ ସାଇଟ୍ ଏକ୍ସରେ ଏକ ଭିଡିଓ ପୋଷ୍ଟ କରିଛି, ଯେଉଁଥିରେ ରିଙ୍କୁ ତାଙ୍କ ଇନିଂସ୍ ଏବଂ ଚାପ ମୁହୂର୍ତ୍ତରେ ଶାନ୍ତ ରହିବା ବିଷୟରେ କହିଛନ୍ତି। “ଏହା ଆମ ପାଇଁ ଭଲ ଯେ ଆମେ ମ୍ୟାଚ୍ ଜିତିଥିଲୁ। ଯେତେବେଳେ ମୁଁ ବ୍ୟାଟିଂ କରିବାକୁ ଯାଇଥିଲି, ଏହା ମୋ ପାଇଁ ଏକ ଉପଯୁକ୍ତ ପରିସ୍ଥିତି ଥିଲା। ମୁଁ କେବଳ ଯାହା କରିବାକୁ ଚିନ୍ତା କରୁଥିଲି ତାହା କରିବାକୁ ଭାବିଥିଲି।
ଥରେ ମୁଁ ମାହି ଭାଇଙ୍କ ସହ କଥା ହୋଇଥିଲି ଏବଂ ତାଙ୍କୁ ଶେଷ ଓଭରରେ ସେ କ’ଣ କରନ୍ତି ବୋଲି ପଚାରିଥିଲି। ସେ କହିଲେ, “ତୁମେ ଯେତେ ଶାନ୍ତ ରହିବ ଓ ମାରିବା ପାଇଁ ସିଧା ଦେଖିବ, ସେତେ ଭଲ ହେବ। ଏହା ହିଁ ମୁଁ ଅନୁସରଣ କରେ, ଏହା ମୋତେ ଫାଇଦା ଦେଇଥାଏ। “ମୁଁ ପୂର୍ବରୁ ଜାଣି ନଥିଲି ଯେ ଶେଷ ବଲ୍ ନୋ ବଲ୍ ଥିଲା ଯେତେବେଳେ ମୁଁ ଡ୍ରେସିଂ ରୁମ୍ କୁ ଯାଇ ଜାଣିବାକୁ ପାଇଲି। ରିଙ୍କୁ ଆହୁରି ମଧ୍ୟ କହିଛନ୍ତି ଯେ ଆମେ ମ୍ୟାଚ୍ ଜିତିଛୁ, ଶେଷରେ ଏହା ହିଁ ଗୁରୁତ୍ୱପୂର୍ଣ୍ଣ।
