ନୂଆଦିଲ୍ଲୀ: ଭାରତୀୟ ବାୟୁସେନାର ନୂଆ ଲଢୁଆ ବିମାନ ତେଜସ୍ ମାକ୍-୧ଏ ଗୁରୁବାର ବେଙ୍ଗାଲୁରୁରେ ଏହାର ପ୍ରଥମ ଉଡ଼ାଣ ସଫଳତାର ଶେଷ କରିଛି। ବେଙ୍ଗାଲୁରୁସ୍ଥିତ ଡିଆରଡିଓ ଲ୍ୟାବରେ ଏରୋନଟିକାଲ ଡେଭଲପମେଣ୍ଟ ଏଜେନ୍ସି ଏହାକୁ ବିକଶିତ କରିଛି। ଗତ କିଛି ଦିନ ହେବ ହିନ୍ଦୁସ୍ତାନ ଏରୋନୋଟିକ୍ସ ଲିମିଟେଡର କାରଖାନାରେ ଏହାର ଟ୍ୟାକ୍ସି ଟ୍ରାଏଲ ଚାଲିଥିଲା। ତେଜସ୍ ମାର୍କ-୧ଏର ପ୍ରଥମ ଉଡ଼ାଣ ୧୮ ମିନିଟ୍ ଧରି ଚାଲିଥିଲା ଏବଂ ହାଲ୍ ର ମୁଖ୍ୟ ଟେଷ୍ଟ ପାଇଲଟ୍ (ଫିକ୍ସଡ୍ ୱିଙ୍ଗ୍) ଗ୍ରୁପ୍ କ୍ୟାପଟେନ୍ (ଅବସରପ୍ରାପ୍ତ) କେକେ ବେଣୁଗୋପାଳ ଏହାକୁ ପରିଚାଳନା କରିଥିଲେ।
ଆପଣଙ୍କୁ କହିରଖୁଛୁ କି ଏହି ନୂଆ ତେଜସ ଲଢୁଆ ବିମାନ ବିଶ୍ୱର ଶ୍ରେଷ୍ଠ ହାଲୁକା ଲଢୁଆ ବିମାନଗୁଡ଼ିକଠାରୁ କିଛି କମ ନୁହେଁ। ତେଜସ ମାର୍କ-୧ଏରେ ଡିଜିଟାଲ ରାଡାର ଆଲର୍ଟ ରିସିଭର, ଆଡଭାନ୍ସଡ ଇଲେକ୍ଟ୍ରୋନିକ ସ୍କାନ୍ ଆରେ (ଏଇଏସଏ) ରାଡାର, ଆଡଭାନ୍ସ ଭିଜୁଆଲ ରେଞ୍ଜ (ବିଭିଆର) ଏୟାର ଟୁ ଏୟାର ମିସାଇଲ ଏବଂ ବାହ୍ୟ ସେଲ୍ଫ ପ୍ରୋଟେକ୍ସନ ଜାମର ପୋଡ ଭଳି ଫିଚର ରହିଛି। ଆପଣଙ୍କୁ କହିରଖୁଛୁ ଯେ ତେଜସର ଏହି ନୂଆ ଅବତାର ଅନ୍ୟ ଲଢୁଆ ବିମାନ ତୁଳନାରେ ବହୁତ ଛୋଟ ଅଟେ। ଏହାର ବିଶେଷତା ହେତୁ ଏହା ଶତ୍ରୁପକ୍ଷର ରାଡାରରେ ଲଢୁଆ ବିମାନ ଭଳି ଧରାପଡିବନାହିଁ। ଏହି ବିଶେଷତା କାରଣରୁ ତେଜସର ଏହି ନୂଆ ଅବତାର ବହୁତ ବିପଜ୍ଜନକ ବୋଲି କୁହାଯାଉଛି।
ଭାରତର ଲଢୁଆ ବିମାନ ତେଜସ୍ ମାକ୍-୧ଏର ସଫଳ ପରୀକ୍ଷଣ
Share Now: