ନୂଆଦିଲ୍ଳୀ: ବୁଧବାର ଗାଜାରେ ଇସ୍ରାଏଲ କରିଥିବା ଆକ୍ରମଣରେ ହମାସର ବରିଷ୍ଠ ନେତା ଇସମାଇଲ ହାନିୟେଙ୍କ ତିନି ପୁଅ ଓ ୨ ନାତିଙ୍କ ଜୀବନ ଯାଇଛି। ଏକ କାର୍ ଉପରେ ଇସ୍ରାଏଲର ପ୍ରତିଶୋଧ ପରାୟଣ ଏୟାର୍ ଷ୍ଟ୍ରାଇକ୍ରେ ଏହି ଅଘଟଣ ଘଟିଛି। ଇସ୍ରାଏଲ ବୁଧବାର ଉତ୍ତର ଗାଜା ସୀମାରେ ହୋଇଥିବା ଆକ୍ରମଣରେ ହମାସ ନେତା ଇସମାଇଲ ହାନିୟେଙ୍କ ପିଲାମାନଙ୍କୁ ହତ୍ୟା କରିଛି। ଏହି ଘଟଣା ପରେ ସଫେଇ ଦେଇ ଇସ୍ରାଏଲ କହିଛି ଯେ ସେମାନେ ସବୁ ଏକ ଆତଙ୍କବାଦୀ ଗୋଷ୍ଠୀର ସଦସ୍ୟ। ଏହି ମୃତ୍ୟୁକୁ ପ୍ରଥମେ ଅଲ ଜଜିରା ରିପୋର୍ଟ କରିଥିଲା ଏବଂ ପରେ ହନିୟେ ଏବଂ ହାମାସ ନିଜେ ନିଶ୍ଚିତ କରିଥିଲେ। ପରେ ଆଇଡିଏଫ୍ ଏବଂ ସିଣ୍ଡ ବେଟ୍ ତିନି ଜଣଙ୍କ ହତ୍ୟାକୁ ନିଶ୍ଚିତ କରି କହିଥିଲେ ଯେ ସେମାନେ ଆତଙ୍କବାଦୀ ଗୋଷ୍ଠୀର ସଦସ୍ୟ।
ଆଇଡିଏଫ୍ ଏବଂ ସିଣ୍ଡ ବେଟ୍ ଅନୁଯାୟୀ ଆମୀର ହାନିଆ ହାମାସ ସାମରିକ ୱିଙ୍ଗରେ ଏକ ସ୍କ୍ୱାର୍ଡ କମାଣ୍ଡର ହୋଇଥିବା ବେଳେ ହାଜେମ୍ ଏବଂ ମହମ୍ମଦ ହନିୟେ ସାମରିକ ୱିଙ୍ଗରେ ନିମ୍ନ ସ୍ତରର କର୍ମଚାରୀ ଥିଲେ। ଇସ୍ରାଏଲ ଉପରେ ହତ୍ୟା ଅଭିଯୋଗ କରି ଆଇଡିଏଫ୍ କହିଛି ଯେ ଏହି ତିନିଜଣ କେନ୍ଦ୍ରୀୟ ଗାଜା ଅଞ୍ଚଳରେ ଆତଙ୍କବାଦୀ କାର୍ଯ୍ୟକଳାପ କରିବାକୁ ଯାଉଥିଲେ। ବୁଧବାର ଦିନ ଏକ ସାକ୍ଷାତକାରରେ ହାନିୟେ ଏହି ମୃତ୍ୟୁକୁ ନିଶ୍ଚିତ କରିଛନ୍ତି ଏବଂ କହିଛନ୍ତି ଯେ ଯିରୁଶାଲମ ଏବଂ ଅଲ-ଆକସା ମସଜିଦକୁ ମୁକ୍ତ କରିବା ପାଇଁ ତାଙ୍କ ପୁଅମାନେ ସହିଦ ହୋଇଛନ୍ତି। ହନିୟେ କହିଛି ଯେ ଶତ୍ରୁ ପ୍ରତିଶୋଧ ଏବଂ ହତ୍ୟାକାଣ୍ଡର ଭାବନା ସହିତ ଆଗକୁ ବଢୁଛି ଏବଂ ଏହା କୌଣସି ମାନକ କିମ୍ବା ଆଇନ ପ୍ରତି କୌଣସି ଟିକେ ଗୁରୁତ୍ୱ ଦେଉନାହିଁ।
