ତିହିଡି : ଭଦ୍ରକ ଜିଲ୍ଲା ତିହିଡି ବ୍ଲକ ଜୋଲହ ପଞ୍ଚାୟତ ଅଧୀନ ମୁଷାଙ୍ଗ ଗ୍ରାମର ନାଟ୍ୟନିର୍ଦ୍ଦେଶକ ତଥା ଶିକ୍ଷାବିତ ନିତ୍ୟାନନ୍ଦ ପାଣିଗ୍ରାହୀଙ୍କୁ ନିଜ ଗାଁରେ ଶ୍ରଦ୍ଧାଞ୍ଜଳି ଜ୍ଞାପନ କରାଯିବାସହ ଶୋକସନ୍ତପ୍ତ ପରିବାରକୁ ସମବେଦନା ଜଣାଯାଇଛି।ବୁଧବାର ଦ୍ୱାଦଶ କ୍ରିୟା ଅବସରରେ ମୁଷାଙ୍ଗ ଗ୍ରାମରେ ସାହିତ୍ୟିକ ବିଭୁତିଭୂଷଣ ସେନାପତିଙ୍କ ସଂଯୋଜନାରେ ଏକ ସଭା ଅନୁଷ୍ଠିତ ହୋଇଥିଲା। ଏହି ସଭାରେ ଗୀତିକାର ପଞ୍ଚାନନ ନାୟକ,କବି ସଂଜିତ ବଳ, ବିଭୁତିଭୂଷଣ ଗ୍ରହଚାର୍ଯ୍ୟ, ସୁଦର୍ଶନ ନାୟକ ,ଶିକ୍ଷାବିତ ପ୍ରଫୁଲ୍ଲ ନାୟକ , ସୁବାସ ଦାସ ,ସନ୍ତୋଷ ପଣ୍ଡା ,ବାଇଧର ଜେନା ,ଗୟାଧର ନାୟକ ,ଗୌରାଙ୍ଗ ଚରଣ ସେନାପତି,ଗୟାଧର ସେଠୀ,ଦେବେନ୍ଦ୍ର ମହାଳିକ ,ଗିରିଧାରୀ ନାୟକ ,ଅଶୋକ ସେନାପତି , ସତ୍ୟପ୍ରକାଶ ପାଣିଗ୍ରାହୀ ପ୍ରମୁଖ ଯୋଗଦେଇଥିଲେ। ସ୍ବର୍ଗତ ପାଣିଗ୍ରାହୀ ଜଣେ ଆଦର୍ଶବାଦୀ ମଣିଷ ଥିଲେ। ସେ ଏକାଧାରରେ ଶିକ୍ଷାବିତ ,ନାଟ୍ୟନିର୍ଦ୍ଦେଶକ, ସଂଗଠକ ,ବାଦ୍ୟକାର ଓ କଣ୍ଠଶିଳ୍ପୀ ଭାବେ ସ୍ୱତନ୍ତ୍ର ପରିଚୟ ସୃଷ୍ଟିକରିପାରିଥିଲେ ବୋଲି ବକ୍ତାମାନେ କହିଥିଲେ। ପ୍ରାରମ୍ଭରେ ତାଙ୍କ ଫଟୋ ଚିତ୍ରରେ ଶ୍ରଦ୍ଧାସୁମନ ଅର୍ପଣ ସହିତ ଦିବଙ୍ଗତ ଆତ୍ମାର ସଦଗତି ପାଇଁ ୨ ମିନିଟ ନିରବ ପ୍ରାର୍ଥନା କରାଯାଇଥିଲା। ସ୍ବର୍ଗତ ପାଣିଗ୍ରାହୀଙ୍କ ସାନପୁଅ ବିଷ୍ଣ ପାଣିଗ୍ରାହୀ ଓ ପରିବାର ସଦସ୍ୟ ମାନେ ସହଯୋଗ କରିଥିଲେ।
ନାଟ୍ୟ ନିର୍ଦ୍ଦେଶକ ନିତ୍ୟାନନ୍ଦ ପାଣିଗ୍ରାହୀଙ୍କୁ ଶ୍ରଦ୍ଧାଞ୍ଜଳି
Share Now: