ତିହିଡି : ଭଦ୍ରକ ଜିଲ୍ଲା ତିହିଡି ବ୍ଲକ ପଂଚାୟତ କାର୍ଯ୍ୟାଳୟ ସମୁଖରେ ମଙ୍ଗଳବାର ପଞ୍ଚାୟତର ବହୁ ପ୍ରବାସୀ ଓଡ଼ିଆ ଆମରଣ ଅନଶନ କରିଥିଲେ। ସଙ୍ଗରୋଧ କେନ୍ଦ୍ରରେ ମିଳୁଥିବା ସହାୟତା ରାଶି ୨୦୦୦ଟଙ୍କା ନ ପାଇବାରୁ ସେମାନେ ଆମରଣ ଅନଶନରେ ବସିଥିଲେ। ଯେପର୍ଯ୍ୟନ୍ତ ସେମାନେ ସହାୟତା ରାଶି ନ ପାଇଛନ୍ତି ,ଆମରଣ ଅନଶନରେ ବସିରହିବେ ବୋଲି ଚେତାବନୀ ଦେଇଛନ୍ତି। ଏହି ଆମରଣ ଅନଶନରେ ପଞ୍ଚାୟତର ପ୍ରସନ୍ନ ଦାସ ,ଦିଲୀପ ଦାସ ,ସୁଦାମ ମଲିକ, ସଂଗ୍ରାମ ଦାସ ,ଦିଲୁ ଦାସ ,ପରମେଶ୍ବର ମଲିକ ,ବିଶ୍ୱନାଥ ଦାସ, ପୂର୍ଣ୍ଣଚନ୍ଦ୍ର ମଲିକ ,ଜୟନ୍ତ ମଲିକ , ଦୀନବନ୍ଧୁ ମଲିକ , ବାସୁଦେବ ଦାସ , ବାପି ମଲିକ ,ଦାମୋଦର ମଲିକ , ସୁଲୋଚନା ମଲିକ ,ସଞ୍ଜୟ ମଲିକ , ପ୍ରମୁଖ ବହୁ ପ୍ରବାସୀ ଓଡିଆମାନେ ବସିଥିଲେ। ପ୍ରବଳ ବର୍ଷା ଓ ଘଡଘଡି ସତ୍ତ୍ୱେ ମଧ୍ୟ ଅନଶନକାରୀ ମାନେ ଅନଶନସ୍ଥଳୀରୁ ଉଠିନଥିଲେ। ପ୍ରକାଶ ଯେ କାଁପଡା ପଂଚାୟତର ପ୍ରବାସୀ ଓଡିଆମାନେ ବାହାର ରାଜ୍ୟରୁ ନିଜ ଗ୍ରାମକୁ କୋଭିଡ-୧୯ ପାଇଁ ଫେରିଲେ। ସରକାରଙ୍କ ନିୟମ ମାନି ସଙ୍ଗରୋଧ କେନ୍ଦ୍ରରେ ରହିଲେ। ସରକାର ଘୋଷଣା କରିଥିଲେ ଯେ, ବାହାର ରାଜ୍ୟରୁ ଯେଉଁ ପ୍ରବାସୀ ଓଡ଼ିଆ ଆସି ସଙ୍ଗରୋଧ କେନ୍ଦ୍ରରେ ରହିବେ ସେମାନଙ୍କୁ ୨୦୦୦ ଟଙ୍କା ପ୍ରଦାନ କରାଯିବ। ପ୍ରବାସୀ ଓଡିଆମାନେ ସରକାରଙ୍କ ପରିବାରର ଜଣେ ଜଣେ ସଦସ୍ୟ। ସମସ୍ତେ କୋଭିଡ-୧୯ ନିୟମ ମାନି ଚଳିବାକୁ ପରାମର୍ଶ ଦେଇଥିଲେ। ପ୍ରବାସୀ ଓଡିଆମାନେ ସମସ୍ତ ନିୟମ ମାନି ଚଳିଥିଲେ। ମାତ୍ର ଅଦ୍ୟାବଧି ସେମାନଙ୍କୁ ୨୦୦୦ ଟଙ୍କା ମଳିପାରିଲା ନାହିଁ । ଏଥିରେ କାଁପଡା ପଞ୍ଚାୟତର ପ୍ରବାସୀ ଓଡିଆମାନେ ଅସନ୍ତୋଷ ପ୍ରକାଶ କରି ଆମରଣ ଅନଶନ କରିବାକୁ ନିଷ୍ପତି ନେଇଥିଲେ। ଏ ସମ୍ପର୍କରେ ସେମାନେ ଜିଲ୍ଲାପାଳ ,ବିଡ଼ିଓ ,ଆରକ୍ଷୀ ଅଧିକ୍ଷକ , ସି ଡ଼ି ଏମ ଓ , ଥାନା ଓ ସ୍ୱାସ୍ଥ୍ୟ କେନ୍ଦ୍ର ଅଧିକାରୀଙ୍କ ଦୃଷ୍ଟି ଆକର୍ଷଣ କରାଇଥିଲେ।
କାଁପଡା ପଞ୍ଚାୟତ କାର୍ଯ୍ୟାଳୟ ସମୁଖରେ ପ୍ରବାସୀ ଓଡ଼ିଆଙ୍କ ଆମରଣ ଅନଶନ
Share Now: