ଭୁବନେଶ୍ବର : ଯୁବତୀଙ୍କୁ କମେଟ ମାରିବାକୁ ନେଇ ବିବାଦ ହେବା ପରେ ଭିଏସଏସ ନଗର ଅଂଚଳରେ ଜଣେ ଯୁବକ ଛୁରାମାଡ଼ କରିଛି। ଏହି ଘଟଣାରେ ସହିଦନଗର ତେଲୁଗୁ ବସ୍ତିର ଦୁଇଜଣ ଲୋକ ଆହତ ହୋଇ ଚିକିତ୍ସିତ ହେଉଛନ୍ତି। ଏହି ଘଟଣାରେ ଆକ୍ରମଣକାରୀ ଶିବ ପ୍ରସାଦ ସାହୁଙ୍କୁ ଗିରଫ କରିଛି ପୋଲିସ। ତା’ ଘର ଝାଡଖଣ୍ଡରେ ବୋଲି ଜଣାପଡ଼ିଛି। ପୋଲିସ ଅଧିକାରୀଙ୍କ କହିବା ଅନୁଯାୟୀ କମେଣ୍ଟମରାକୁ କେନ୍ଦ୍ର କରି ଆରମ୍ଭ ହୋଇଥିଲା ଝଗଡା। ବାଣୀବିହାର ରେଳ ଷ୍ଟେସନରେ ଦୁଇ ଯୁବତୀଙ୍କୁ ଅଭିଯୁକ୍ତ ଶିବ ପ୍ରସାଦ କମେଣ୍ଟ ମାରିବାରୁ କିଛି ସ୍ଥାନୀୟ ଲୋକ ତାହାର ବିରୋଧ କରିଥିଲେ। ଏହାକୁ ନେଇ ଅଭିଯୁକ୍ତ ଓ ସ୍ଥାନୀୟ ଲୋକଙ୍କ ଭିତରେ ବଚସା ହୋଇଥିଲା। ଅଭିଯୁକ୍ତ ଖସିଯିବାକୁ ଉଦ୍ୟମ କଲାବେଳେ ସ୍ଥାନୀୟ ଲୋକ କାବୁ କରିବାକୁ ଚେଷ୍ଟା କରିଥିଲେ। ଏହି ସମୟରେ ସେ ପାଖରେ ରଖିଥିବା ଏକ ଛୁରୀରେ ଆକ୍ରମଣ କରିଥିଲା।
ଉଦ୍ଧତ ଯୁବକର ଉନ୍ମତ୍ତକାଣ୍ଡ : ଛୁରାମାଡ଼ରେ ୨ ଆହତ
Share Now: