ଭୁବନେଶ୍ୱର : ବିଜୁ ଶ୍ରମିକ ସାମୁଖ୍ୟର ମଙ୍ଗ ଧରିଲେ ନବକିଶୋର ମହାନ୍ତି। ବିଜୁ ଶ୍ରମିକ ସାମୁଖ୍ୟରପ୍ରଥମ ବୈଠକ ଇତିମଧ୍ୟରେ ସାମୁଖ୍ୟ କାର୍ଯ୍ୟାଳୟରେ ଅନୁଷ୍ଠିତ ହୋଇଯାଇଛି। ଏହି ସମ୍ମିଳନୀରେ ବିଜୁ ଶ୍ରମିକ ସାମୁଖ୍ୟ ସଭାପତି ତଥା କଟକ ମେୟର ସୁବାସ ସିଂ ଯୋଗଦେଇ ସାମୁଖ୍ୟର ଶ୍ରମିକ ମାନଙ୍କ ପାଇଁ ମୁଖ୍ୟମନ୍ତ୍ରୀ କରିଥିବା ବହୁବିଧ କାର୍ଯ୍ୟ ବିଷୟରେ ଆଲୋକପାତ କରିଥିଲେ। ଅନ୍ୟମାନଙ୍କ ମଧ୍ୟରେ ଭୁବନେଶ୍ୱର ମେୟର ସୁଲୋଚନା ଦାସ, ଉତ୍ତର ବିଧାୟକ ସୁଶାନ୍ତ ରାଉତ, ମଧ୍ୟ ବିଧାୟକ ଅନନ୍ତ ଜେନା ପ୍ରମୁଖ ଯୋଗଦେଇ ଶ୍ରମିକ ଭାଇ ମାନଙ୍କପାଇଁ ହୋଇଥିବା ଲୋକାଭିମୁଖୀ କାର୍ଯ୍ୟ ସମ୍ପର୍କରେ ଅବଗତ କରାଇଥିଲେ। ଶେଷରେ ଭୁବନେଶ୍ୱର ଜିଲ୍ଲା ବିଜୁ ଶ୍ରମିକ ସାମୁଖ୍ୟର ସଭାପତି ଭାବେ ସର୍ବସମ୍ମତି କ୍ରମେ ବରିଷ୍ଠ ନେତା ନବକିଶୋର ମହାନ୍ତି ନିର୍ବାଚିତ ହୋଇଥିଲେ।
Share Now:
