ନୂଆଦିଲ୍ଲୀ: ସମ୍ମାନଜନକ ଗୁଜରାଟ ବିଧାନସଭା ନିର୍ବାଚନ ଲଢ଼େଇରେ ବିଜେପି ବାଜି ମାରିଛି । ପୁଣିଥରେ ବିଜେପି ସରକାର ଉପରେ ଆସ୍ଥା ପ୍ରକଟ କରିଛନ୍ତି ଗୁଜରାଟ ଜନତା। କାମ ଦେଇଛି ମୋଦି ମ୍ୟାଜିକ। ଲଗାତାର ଷଷ୍ଠ ଥର ପାଇଁ ରାଜ୍ୟରେ ସରକାର ଗଢ଼ିବ ବିଜେପି। ସେପଟେ ଆସନ ସଂଖ୍ୟା ବଢ଼ିଥିଲେ ବି ପୁଣିଥରେ ଚିତପଟାଙ୍ଗ ହୋଇଛି କଂଗ୍ରେସ। ନୋଟ୍ ବନ୍ଦୀ, ଜିଏସଟି ଓ ୩ ଯୁବନେତାଙ୍କୁ ନେଇ ବିଜେପି ବିରୋଧରେ ଜୋରସୋର ପ୍ରଚାର କରିଥିବା ରାହୁଲ ଗାନ୍ଧିଙ୍କ ରଣନୀତି ଫେଲ୍ ମାରିଛି । ୨୦୧୯ ସାଧାରଣ ନିର୍ବାଚନ ପୂର୍ବରୁ ଏହି ବିଜୟ ଦଳର ମନୋବଳକୁ ବେଶ୍ ଦୃଢ଼ କରିଛି। ଗୁଜରାଟରେ ୧୮୨ ସିଟ୍ରୁ ବିଜେପିକୁ ୯୯ କଂଗ୍ରେସ ୭୯ ଏବଂ ଅନ୍ୟାନ୍ୟ ୪ଟି ଆସନ ପାଇଛନ୍ତି। ଗତ ୨୦୧୨ ନିର୍ବାଚନରେ ବିଜେପି ୧୧୬ ସିଟ୍ ପାଇଥିବା ବେଳେ କଂଗ୍ରେସ ୬୦ଟି ସିଟ୍ ପାଇଥିଲା। ବିଜୟ ପରେ ବିଜେପି ପକ୍ଷରୁ ବାଣ ଫୁଟାଇ ଖୁସି ମନାଯାଇଛି।
ଗୁଜରାଟରେ ବିଜେପିର ବାଜିମାତ୍, କଡ଼ା ଟକ୍କର ସତ୍ୱେ କଂଗ୍ରେସ ପରାସ୍ତ
Share Now: