ମୁମ୍ବାଇ: ୨୦୦୯ରେ ରିଲିଜ ହୋଇଥିବା ଜେମ୍ସ କ୍ୟାମେରନଙ୍କ ଫିଲ୍ମ ‘ଅବତାର’ ଚମତ୍କାର ଭିଜୁଆଲ୍ ସହିତ ଭାରତୀୟ ଦର୍ଶକଙ୍କୁ ଆଶ୍ଚର୍ଯ୍ୟ କରିଥିଲା। ସେତେବେଳେ ଭିଏଫଏକ୍ସ ଥିବା ଚଳଚ୍ଚିତ୍ରଗୁଡ଼ିକ ସେତେ ଅଧିକ ନିର୍ମାଣ ହେଉନଥିବା ବେଳେ ‘ଅବତାର’ର ଗ୍ରାଫିକ୍ସ ଲୋକଙ୍କୁ ଆବାକ୍ କରିଥିଲା। ବିଶ୍ବବ୍ୟାପୀ ‘ଅବତାର’ ପ୍ରାୟ ୩ବିଲିୟନ ଡଲାରର ବ୍ୟବସାୟ କରିଥିଲା ଏବଂ ଆଜି ପର୍ଯ୍ୟନ୍ତ ଫିଲ୍ମଟି ଦୁନିଆରେ ସର୍ବାଧିକ ଆୟ କରିଥିବା ଫିଲ୍ମ ହୋଇରହିଛି। ଏହାର ସିକ୍ୱେଲକୁ ବର୍ଷ ବର୍ଷ ଧରି ଦର୍ଶକ ଅପେକ୍ଷା କରିଥିବା ବେଳେ ଡିସେମ୍ବର ୧୬ରେ ଅବତାର ୨’ ରିଲିଜ ହୋଇଥିଲା। ରିଲିଜ ପରେ ଫିଲ୍ମଟି ଭଲ ବ୍ୟବସାୟ କରିବା ଆରମ୍ଭ କରିଥିବା ସହ ଏବେ କେବଳ ଭାରତରେ ହିଁ ଫିଲ୍ମଟି ୨୦୦କୋଟି ଆୟ କରିସାରିଥିବା ଜଣାପଡ଼ିଛି। ରିଲିଜର ୮ଦିନ ମଧ୍ୟରେ ହିଁ ଫିଲ୍ମ ୨୦୦କୋଟି ଆୟ କରିଥିବା ବେଳେ ‘ଅବତାର ୨’ ଅନେକ ବଡ଼ ବଡ଼ ଫିଲ୍ମର ରେକର୍ଡ ଭାଙ୍ଗିବ ବୋଲି କୁହାଯାଉଛି। ‘ଅବତାର ୨’ ବର୍ତ୍ତମାନ ଭାରତର ଚତୁର୍ଥ ସର୍ବାଧିକ ଆୟ କରିଥିବା ହଲିଉଡ ଚଳଚ୍ଚିତ୍ର ହୋଇପାରିଛି। ଫିଲ୍ମଟି ୨୦୧୬ରେ ‘ଦ ଜଙ୍ଗଲ ବୁକ୍’କର ଆୟକୁ ଅତିକ୍ରମ କରିଛି।
୧. ଆଭେଞ୍ଜର୍ସ: ଏଣ୍ଡଗେମ୍ – ୩୭୩କୋଟି ଟଙ୍କା।
୨. ଆଭେଞ୍ଜର୍ସ: ଇନଫିନିଟି ୱାର – ୨୨୭.୩୦ କୋଟି ଟଙ୍କା।
୩. ସ୍ପାଇଡର୍-ମ୍ୟାନ୍: ନୋ ୱେ ହୋମ୍ – ୨୧୯କୋଟି ଟଙ୍କା।
୪. ଅବତାର: ଦ ୱେ ଅଫ ୱାଟର – ୨୦୫କୋଟି ଟଙ୍କା(ଏବେ ପ୍ରେକ୍ଷାଳୟରେ ଚାଲିଛି)
୫. ଜଙ୍ଗଲ ବୁକ୍ – ୧୮୮କୋଟି ଟଙ୍କା।
