କଟକ: ଦିନ ଦ୍ୱିପ୍ରହରରେ ପୁଲିସର ପରିଚୟ ଦେଇ ୨ ଦୁର୍ବୃତ୍ତ ଜଣେ ପୂଜକଙ୍କଠାରୁ ଲୁଟ କରିଥିବାର ଅଭିଯୋଗ ହୋଇଛି। ନିଜକୁ ପୁଲିସ କହି ସତର୍କ କରାଇବା ନାଁରେ ୨ ଦୁର୍ବୃତ୍ତ ସୁନା ଲୁଟିନେଇ ଚମ୍ପଟ ମାରିଥିବା ଜଣାଯାଇଛି। କଟକ ମାଲଗୋଦାମ ଥାନା କଲେଜ ଛକ ପାଟରା ସାହିରେ ଘଟିଛି ଏଭଳି କାଣ୍ଡ।
ନିଜର ପାଟରା ସାହି ଘରୁ ଯୋବ୍ରାକୁ ଆସୁଥିବା ବାଟରେ ଲୁଟର ଶିକାର ହୋଇଛନ୍ତି ଜଣେ ପୂଜକ। ଦୁଇଜଣ ବ୍ୟକ୍ତି ଆଇକାର୍ଡ ଦେଖାଇ ନିଜକୁ ପୁଲିସର ପରିଚୟ ଦେଇଥିଲେ। କଣ ପାଇଁ ଏତେ ସୁନା ଅଳଙ୍କାର ପିନ୍ଧି ବାହାରକୁ ଆସିଛ। ତୁରନ୍ତ ପିନ୍ଧିଥିବା ସୁନା ଚେନ ଏବଂ ବ୍ରେସଲେଟ ଖୋଲିବାକୁ କହିଥିଲେ। ସୁନା ଗହଣା ଖୋଲି ବ୍ୟାଗରେ ରଖିବାକୁ ସେ ଦୁହେଁ କହିଥିଲେ। ପରେ ବ୍ୟାଗକୁ ଚେକ କରି ସେଠାରୁ ପଳାଇଥିଲେ ଦୁଇ ବ୍ୟକ୍ତି। ପରେ ପୂଜକଜଣକ ନିଜ ବ୍ୟାଗ ଚେକ କରିବାରୁ ଜାଣିଥିଲେ ସେ ଲୁଟର ଶିକାର ହୋଇଛନ୍ତି। ଏନେଇ ସେ ମାଲଗୋଦାମ ଥାନାରେ ଏତଲା ଦେଇଛନ୍ତି।
Share Now:
