ନୂଆଦିଲ୍ଲୀ : ଲିଥିୟମ୍ ଭଣ୍ଡାର କ୍ଷେତ୍ରରେ ଭାରତକୁ ଆଉ ଏକ ବଡ଼ ସଫଳତା ମିଳିଛି। ରାଜସ୍ଥାନର ଦେଗାନା (ନାଗୌର)ରେ ଏକ ନୂତନ ଲିଥିୟମ୍ ଭଣ୍ଡାର ଆବିଷ୍କୃତ ହୋଇଛି, ଯାହାର ଆକାର ବର୍ତ୍ତମାନର ଜମ୍ମୁ-କଶ୍ମୀରରେ ଆବିଷ୍କୃତ ଭଣ୍ଡାରଠାରୁ ବି ଅଧିକ ବୋଲି ଭାରତୀୟ ଭୂତତ୍ତ୍ୱ ସର୍ବେକ୍ଷଣ ସଂସ୍ଥା (ଜିଏସଆଇ) ଦାବି କରିଛି।
ଜିଏସଆଇ ଏବଂ ଖଣି ଅଧିକାରୀମାନେ ଦାବି କରିଛନ୍ତି ଯେ ଏହି ଭଣ୍ଡାରରେ ଥିବା ଲିଥିୟମର ପରିମାଣ ଭାରତର ମୋଟ ଚାହିଦାର ୮୦ ପ୍ରତିଶତ ପୂରଣ କରିପାରିବ। ଏହି ଭଣ୍ଡାରର ଆବିଷ୍କାର ଲିଥିୟମ୍ ପାଇଁ ଚୀନ୍ ଉପରେ ଭାରତର ନିର୍ଭରଶୀଳତା ହ୍ରାସ କରିବାରେ ସହାୟକ ହୋଇପାରିବ।
ଲିଥିୟମ୍ ହେଉଛି ଏକ ଅଣ-ଲୌହ ଧାତୁ, ଯାହା ମୋବାଇଲ୍-ଲାପଟପ୍, ଇଲେକ୍ଟ୍ରିକ୍ ଯାନ ଏବଂ ଅନ୍ୟ ଚାର୍ଜେବଲ୍ ବ୍ୟାଟେରୀ ତିଆରି କରିବାରେ ବ୍ୟବହୃତ ହୁଏ। ଲିଥିୟମ୍ ପାଇଁ ଭାରତ ସମ୍ପୂର୍ଣ୍ଣ ଭାବେ ମହଙ୍ଗା ବିଦେଶୀ ଯୋଗାଣ ଉପରେ ନିର୍ଭରଶୀଳ। ଭାରତ ନିଜ ଆବଶ୍ୟକତାର ଏକ ବଡ଼ ଭାଗ ବିଦେଶରୁ ଆମଦାନୀ କରେ ଓ ଆମଦାନୀର ୫୩ ପ୍ରତିଶତ ଚୀନରୁ ଆମଦାନୀ ହୁଏ। ୨୦୨୦-୨୧ରେ ଭାରତ ୬ ହଜାର କୋଟି ଟଙ୍କାର ଲିଥିୟମ ଆମଦାନୀ କରିଥିଲା। ଏହା ମଧ୍ୟରେ ଚୀନରୁ ହୋଇଥିବା ୩୫୦୦ କୋଟି ଟଙ୍କାର ଆମଦାନୀ ଅନ୍ତର୍ଭୁକ୍ତ। ଏଣୁ ଏହି ଲିଥିୟମ ଭାରତ ପାଇଁ କେତେ ଗୁରୁତ୍ୱପୂର୍ଣ୍ଣ ତାହା ସହଜେ ଅନୁମେୟ।
ରାଜସ୍ଥାନରେ ମିଳିଲା ଜମ୍ମୁଠାରୁ ବଡ଼ ଲିଥିୟମ ଭଣ୍ଡାର
Share Now: