ଭୁବନେଶ୍ୱର : ଜାମୁଝରି ମୁକ୍ତାକାଶ ଜେଲରେ ଘଟିଛି ଏକ ଅଭାବନୀୟ ଘଟଣା। ଠେଙ୍ଗାରେ ପିଟି ସୁପରିଟେଣ୍ଡେଣ୍ଟଙ୍କ ଅଫିସ ଭାଙ୍ଗିଛନ୍ତି ଜେଲର। ଏ ନେଇ ଜେଲର କେଦାରନାଥ ବେହେରାଙ୍କୁ ନିଲମ୍ବନ କରିଛି ଜେଲ ବିଭାଗ। ନିଲମ୍ବନ ସହ ବିଭାଗ ପକ୍ଷରୁ ବଦଳି ନିର୍ଦ୍ଦେଶ ମଧ୍ୟ ଦିଆଯାଇଛି। ସୂଚନା ରହିଛି ଯେ ସୁପରିଟେଣ୍ଡେଣ୍ଟ ଅଶୋକ ବେହେରାଙ୍କୁ ଆକ୍ରମଣ କରିଥିଲେ କେଦାରନାଥ। ଏହାପରେ କେଦାରଙ୍କୁ ନିଲମ୍ବିତ କରିବା ସହ କୋରାପୁଟ ସର୍କଲ ଜେଲକୁ ବଦଳି କରାଯାଇଛି।
ଏ ନେଇ ସୂଚନା ଦେଇ ଜେଲ୍ ଜିଡି ମନୋଜ ଛାବ୍ରା କହିଛନ୍ତି କି, ‘ଦୁଇ ଜଣ ଜେଲରଙ୍କ ଭିତରେ ଗଣ୍ଡଗୋଳ ହୋଇଥିଲା। ତାହାର ତଦନ୍ତ ରିପୋର୍ଟ ଏବେ ହସ୍ତଗତ ହୋଇଛି। ତାଙ୍କ ଭିତରୁ ଜଣେ ଜେଲର ମଦ୍ୟପାନ କରିଥିଲେ। ମଦ୍ୟପାନ କରି ଦୁର୍ବ୍ୟବହାର କରିବା କାରଣରୁ ଗଣ୍ଡଗୋଳ ଉପୁଜିଥିଲା। ପ୍ରାରମ୍ଭିକ୍ ରିପୋର୍ଟ ଆସିବା ପରେ ଜେଲରଙ୍କୁ ନିଲମ୍ବନ କରାଯାଇଛି। ତାଙ୍କୁ କୋରାପୁଟକୁ ପଠାଯାଇଛି। ତଦନ୍ତ ସରିବା ପର୍ଯ୍ୟନ୍ତ ସେ ସେଇଠାରେ ରହିବେ। ତଦନ୍ତ ଶେଷ ହେବା ପରେ ଯାଇ ଆବଶ୍ୟକୀୟ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।’
ଠେଙ୍ଗାରେ ପିଟି ସୁପରିଟେଣ୍ଡେଣ୍ଟଙ୍କ ଅଫିସ ଭାଙ୍ଗି ନିଲମ୍ବିତ ହେଲେ ଜେଲର୍
Share Now: