ନୂଆଦିଲ୍ଲୀ: ଗତ କିଛି ଦିନ ହେବ ବିଭିନ୍ନ ପ୍ରସଙ୍ଗରେ ରାଜ୍ୟସଭାରେ ଉତ୍ତେଜନାପୂର୍ଣ୍ଣ ପରିସ୍ଥିତି ଉପୁଜିଥିଲା। ହେଲେ ଶୁକ୍ରବାର ଦିନ ରାଜ୍ୟସଭା ଅଧ୍ୟକ୍ଷ ତଥା ଭାରତର ଉପରାଷ୍ଟ୍ରପତି ଜଗଦୀପ ଧନଖଡ଼ ଜଣେ ସଦସ୍ୟଙ୍କଠାରୁ “ଗୁରୁଦକ୍ଷିଣା” ମାଗିବା ପରେ ପରିସ୍ଥିତି ଶାନ୍ତ ଓ ଆନନ୍ଦଦାୟକ ହୋଇଥିଲା। ସେ ଏହି “ଗୁରୁ ଦକ୍ଷିଣା”କଂଗ୍ରେସ ସଦସ୍ୟ ପ୍ରଦୀପ ସିଂ ହୁଡାଙ୍କୁ ମାଗିଥିଲେ। ସେ ଗୃହର କଂଗ୍ରେସ ସଦସ୍ୟ ହୁଡାଙ୍କୁ “ଗୁରୁଦକ୍ଷିଣା”ଭାବରେ ଜନ୍ମଦିନର ଉପହାର ଦେବାକୁ ସେ କହିଥିଲେ।
ବାସ୍ତବରେ, ଏହି ଘଟଣାଟି ଘଟିଥିଲା ଯେତେବେଳେ ଧନଖଡ଼ ଏହି ଦିନରେ ଜନ୍ମ ହୋଇଥିବା କିଛି ସଦସ୍ୟଙ୍କୁ ଗୃହ ଆରମ୍ଭରେ ଅଭିନନ୍ଦନ ଜଣାଇଥିଲେ। ଏହି କ୍ରମରେ ସେ ରାଷ୍ଟ୍ରୀୟ ଜନତା ଦଳର ସଦସ୍ୟ ମନୋଜ ଝାଙ୍କ ନାମ ନେଇ ତାଙ୍କୁ ଅଭିନନ୍ଦନ ଜଣାଇଥିଲେ। ଶ୍ରୀ ଝାଙ୍କ ବ୍ୟତୀତ ସେ ଭେଙ୍କଟରମନ୍ ରାଓ ମୋପିଦେବୀ (ୱାଇଏସଆର୍ କଂଗ୍ରେସ ପାର୍ଟି) ଏବଂ ଇମ୍ରାନ ପ୍ରତାପଗଢୀ (କଂଗ୍ରେସ) ଙ୍କୁ ମଧ୍ୟ ଜନ୍ମଦିନର ଶୁଭେଚ୍ଛା ଜଣାଇଥିଲେ। ଶ୍ରୀ ଧନଖଡ଼ କହିଥିଲେ ଯେ ହୁଡା ଆଜମେରର ମେୟୋ କଲେଜର ଛାତ୍ର ଥିଲେ ଏବଂ ସେ ସେଠାରେ ମଧ୍ୟ ଅଧ୍ୟୟନ କରିଥିବାରୁ କଂଗ୍ରେସ ନେତାଙ୍କ ଅଭିଭାବକ ହେବାର ସୌଭାଗ୍ୟ ପାଇଥିଲେ। ସେ କହିଥିଲେ, ତେଣୁ ଗୁରୁଦକ୍ଷିଣା ଭାବରେ ଶ୍ରୀ ହୁଡା ତାଙ୍କ ପକେଟରୁ ପ୍ରଫେସର ଝାଙ୍କୁ ଜନ୍ମଦିନର ଉପହାର ଦେବେ। ତାଙ୍କ ନିର୍ଦ୍ଦେଶ ପାଳନର ତଦାରଖ ଲାଗି ଶ୍ରୀ ଧନଖଡ଼ ଆମ୍ ଆଦମୀ ପାର୍ଟିର ସୁଶୀଲ କୁମାର ଗୁପ୍ତାଙ୍କୁ ଏହି ଦାୟିତ୍ୱ ଦେଇଥିଲେ।
କଂଗ୍ରେସ ସଦସ୍ୟଙ୍କୁ “ଗୁରୁଦକ୍ଷିଣା” ମାଗିଲେ ଉପରାଷ୍ଟ୍ରପତି
Share Now: