ଭୁବନେଶ୍ୱର : ଟୁଇନ ସିଟିରେ ଜମି କିଣି ଖୋଲା ପକାଇଥିଲେ ସାବଧାନ। ମାତିଛନ୍ତି ଜମି ଠକେଇ ଗ୍ୟାଙ୍ଗ। ଆପଣଙ୍କ ଜମିର ନକଲ କାଗଜପତ୍ର ବାହାର କରି ଜାଲ ପାୱାର ଅଫ ଆର୍ଟନିଂ ଜରିଆରେ ଜମି ବିକ୍ରି କରି ଦେଉଛନ୍ତି ଠକ୍। ଏଭଳି ଏକ ଠକ୍ ଗ୍ୟାଙ୍ଗର ମୁଖ୍ୟ ଅଭିଯୁକ୍ତ ବିକାଶ ପଣ୍ଡାକୁ ରିମାଣ୍ଡରେ ଆଣି ପଚରାଉଚରା ପରେ ତଥ୍ୟ ପାଇଛି କମିଶନରେଟ୍ ପୁଲିସର ସ୍ପେସାଲ କ୍ରାଇମ୍ ୟୁନିଟ। ୨୭ ଜଣଙ୍କୁ ପାଖାପାଖି ୫୦ ଲକ୍ଷ ଟଙ୍କା ଠକେଇ କରିବା ନେଇ ହେଲାଣି ଅଭିଯୋଗ। ଆହୁରି ଅଧିକ ଲୋକଙ୍କୁ ସମାନ ଭାବେ ଠକେଇ କରିଥିବା ନେଇ ଜଣାପଡ଼ିଛି। ଯେଉଁମାନେ ଠକେଇର ଶିକାର ହୋଇଛନ୍ତି ସେମାନେ ଆସି ଅଭିଯୋଗ କରିବା ପାଇଁ ସ୍ପେଶାଲ କ୍ରାଇମ୍ ୟୁନିଟ ନିବେଦନ କରିଛି।
Share Now: