ନୂଆଦିଲ୍ଲୀ: ଲକ୍ଷ୍ମୌର ପିଜିଆଇ ହସ୍ପିଟାଲରେ ନିଆଁ ଲାଗିବା ଘଟଣାରେ ତିନିଜଣଙ୍କ ମୃତ୍ୟୁ ହୋଇଥିବା ଜଣାପଡ଼ିଛି। ମୃତକଙ୍କ ମଧ୍ୟରେ ଜଣେ ମହିଳା, ନବଜାତ ଓ କିଶୋର ସାମିଲ ରହିଛନ୍ତି। ମୃତକଙ୍କ ପରିବାରଲୋକ ହସ୍ପିଟାଲ ପ୍ରଶାସନ ବିରୋଧରେ ଅବହେଳାର ଅଭିଯୋଗ ଆଣି କହିଛନ୍ତି, ‘ ନିଆଁ ଲାଗିବା ହେତୁ ଡାକ୍ତର ଓ ନର୍ସ ଅସ୍ତ୍ରୋପଚାର ବିଭାଗରୁ ଦୌଡ଼ାଦୌଡ଼ି ହୋଇ ପଳାଇଯାଇଥିଲେ। ଯଦି ସଠିକ ସମୟରେ ରୋଗୀଙ୍କୁ ଉଦ୍ଧାର କରାଯାଇଥାଆନ୍ତା ତେବେ ନିଶ୍ଚିତ ରୂପେ ତିନିଜଣଙ୍କ ଜୀବନ ବଞ୍ଚି ଯାଇଥାଆନ୍ତା।’ଏହି ଘଟଣାପରେ ମୁଖ୍ୟମନ୍ତ୍ରୀ ଯୋଗୀ ଘଟଣାରକୁ ଗମ୍ଭୀରତା ସହ ନେଇଛନ୍ତି। ସେହିପରି ଉପମୁଖ୍ୟମନ୍ତ୍ରୀ ଓ ସ୍ୱାସ୍ଥ୍ୟମନ୍ତ୍ରୀ ବ୍ରଜେଶ ପାଠକ ଯାଞ୍ଚ ଆଦେଶ ଦେଇଛନ୍ତି। ଗତ ସୋମବାର ଦ୍ୱିପ୍ରହର ୧ଟା ସମୟରେ ପିଜିଆଇ ଓଟିରେ ଥିବା ମନିଟରରୁ ଧୁଆଁ ବାହାରି ନିଆଁ ଲାଗି ଯାଇଥିଲା। ଏହି ସମୟରେ ୨୬ବର୍ଷର ତୈୟବା ଓ ଗାଜିପୁରର ନେହା ଓ ନବଜାତଙ୍କ ଅସ୍ତ୍ରୋପଚାର ଚାଲିଥିଲା। ଦେଖୁଦେଖୁ ନିଆଁ ଓଟିରୁ ଚାରିଆଡକୁ ମାଡ଼ି ଯାଇଥିଲା।
ଏହି ସମୟରେ ଡାକ୍ତର ଓ ନର୍ସମାନେ ରୋଗୀଙ୍କୁ ସୁରକ୍ଷିତ ସ୍ଥାନକୁ ନେବା ବଦଳରେ ନିଜେ ଦୌଡ଼ାଦୌଡ଼ି ହୋଇ ଘଟଣାସ୍ଥଳରୁ ଚାଲି ଯାଇଥିଲେ। ନିଆଁ ଲାଗିବା ସମୟରେ ଓଟିରେ ତୈୟବା ଓ ଗୌରବ ଦୁହେଁ ଅଚେତ ଥିବା ବେଳେ ନବଜାତର ଅସ୍ତ୍ରୋପଚାର ଚାଲିଥିଲା। ଧୁଆଁ ଓ ନିଆଁ ହେତୁ ତିନିଜଣଙ୍କ ଅତି ଯନ୍ତ୍ରଣାଦାୟକ ଭାବେ ମୃତ୍ୟୁ ହୋଇଯାଇଥିବା ଜଣାପଡ଼ିଛି।
ଓଟିରେ ରୋଗୀଙ୍କୁ ଛାଡ଼ି ଚାଲିଗଲେ ଡାକ୍ତର ଓ ନର୍ସ : ତିନିଜଣଙ୍କ ଉଡ଼ିଗଲା ପ୍ରାଣବାୟୁ
Share Now: