ଇସ୍ଲାମବାଦ୍: ସୋସିଆଲ୍ ମିଡିଆରେ ଏବେ ଏକ ଭିଡିଓ ଘୂରିବାରେ ଲାଗିଛି। ଭିଡିଓଟିରେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କର ଖୁବ୍ ଜୋର୍ ନିନ୍ଦା ହେଉଥିବାର ଦେଖିବାକୁ ମିଳିଛି। ଜଣେ ପକିସ୍ତାନୀ କବି ଭିିଡିଓରେ ଇମ୍ରାନଙ୍କୁ ନିନ୍ଦା କରି ତୁମେ ପ୍ରଧାନମନ୍ତ୍ରୀ ପଦ ପାଇଁ ଯୋଗ୍ୟ ନୁହେଁ ବୋଲି କହୁଥିବାର ଦେଖିବାକୁ ମିଳିଛି। ପ୍ରସିଦ୍ଧ ପାକିସ୍ତାନୀ କବି ଫର୍ହାତ ଆବାସ ଶାହା ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ ସମାଲୋଚନା କରୁଥିବାର ଦେଖିବାକୁ ମିଳିଛନ୍ତି। ଲାହୋର ଟିଭିରେ ଏକ ସାକ୍ଷାତ୍କାର ଦେଇ ସେ ଇମ୍ରାନଙ୍କୁ ସବୁଠାରୁ ଖରାପ ପ୍ରଧାନମନ୍ତ୍ରୀ ବୋଲି କହିଛନ୍ତି। ତାଙ୍କ ଭାବପ୍ରବଣତା ଓ ଦେଶର ବର୍ତ୍ତମାନ ସ୍ଥିତି ବର୍ଣ୍ଣନା କରିବା ପାଇଁ ଶାହା ଏକ କବିତାର ସାହାଯ୍ୟ ନେଇଛନ୍ତି। ସେ ଏକ କବିତା ଜରିଆରେ ଇମ୍ରାନ ଖାନ ପ୍ରଧାନମନ୍ତ୍ରୀ ହେବା ପରେ ଦେଶର ସ୍ଥିିିତି ଦୁର୍ବଳ ହୋଇପଡ଼ିଛି ବୋଲି କହିଛନ୍ତି। ଜଣେ ପ୍ରଧାନମନ୍ତ୍ରୀ ଭାବେ ଇମ୍ରାନ ପୂରାପୂରି ବିଫଳ ବୋଲି ନିଜ କବିତା ଜରିଆରେ ଶାହା ଦର୍ଶାଇଛନ୍ତି। ‘ତୁମ ନୀତି ଆମକୁ ଭିକାରୀ କରିଛି। କ୍ଷମତାରେ ରହିବାର ଯୋଗ୍ୟତା ତୁମର ନାହିଁ। କାହିଁକି ତୁମେ ଆସିଲ? ଦେଶର ନାଗରିକମାନେ କେଉଁ ଭଳି ଭାବେ ଦାରିଦ୍ର୍ୟ, ଦୁର୍ନୀତି ସହ୍ୟ କରୁଛନ୍ତି ତୁମକୁ କିଛି ଜଣାନାହିଁ। ତୁମେ ଆମକୁ ବିଫଳ କରାଇଛ।’
