ଢେଙ୍କିକୋଟ: କେନ୍ଦୁଝର ଜିଲ୍ଲା ଘଟଗାଁ ବ୍ଲକ ଅନ୍ତର୍ଗତ ଢେଙ୍କିକୋଟର ସାମ୍ବାଦିକ ବିଶ୍ୱରଞ୍ଜନ ପୃଷ୍ଟିଙ୍କ ବାଡ଼ିରେ ଥିବା ଏକ ବଡ଼ ତାଳ ଗଛରୁ ଏସିଆ ମହାଦେଶରୁ ବିଲୁପ୍ତପ୍ରାୟ ଏସିଆନ ପାମ ସିଭେଟ କ୍ୟାଟ ବା ଏସିଆର ମହାଦେଶର କସ୍ତୁରୀ ବିଲେଇ ବା ଶାଳିଆ ପତିନି ଉଦ୍ଧାର ହୋଇଛି। ବିଶ୍ୱରଞ୍ଜନ ନିଜ ବାଡ଼ିରେ ପନିପରିବା ଚାଷ କରୁଥିବା ସମୟରେ ହଠାତ ତାଳ ଗଛରୁ ମୂଷା ଭଳି ଅଙ୍ଗ ଥିବା ବଡ଼ ଏସିଆନ ପାମ ସିଭେଟ କ୍ୟାଟ ବା ଏସିଆର ତାଳ କସ୍ତୁରୀ ବିଲେଇଟି ତଳକୁ ଖସିପଡି ଗୁରୁତର ହୋଇଥିଲା। ଏନେଇ ଘଟଗାଁ ବନାଞ୍ଚଳ ଅଧିକାରୀ ପ୍ରଭାତ କୁମାର କୁଅଁର ଓ ଢେଙ୍କିକୋଟ ବନପାଳ ଶିବନାରାୟଣ ଦେବଙ୍କୁ ସୂଚନା ଦିଆଯିବାପରେ ସେମାନେ ଏହି ତାଳ କସ୍ତୁରୀ ବିଲେଇ ଟିକୁ ଚିକିତ୍ସା ପାଇଁ ଘଟଗାଁ ପ୍ରାଣୀ ଚିକତ୍ସା କେନ୍ଦ୍ରକୁ ନେଇଛନ୍ତି। ଗୁଗୁଲ ସୂଚନା ଅନୁଯାୟୀ ଏହି ପ୍ରଜାତିଟି ୧୨୯ ବର୍ଷ ହେଲା ଏସିଆ ମହାଦେଶରୁ ବିଲୁପ୍ତ ଥିଲା।
ବିଲୁପ୍ତପ୍ରାୟ ଶାଳିଆ ପତିନି ଉଦ୍ଧାର
Share Now: