ନୂଆଦିଲ୍ଲୀ : ସମଗ୍ର ବିଶ୍ୱ କରୋନା ମହାମାରୀକୁ ନେଇ ବ୍ୟସ୍ତ ଥିବାବେଳେ ଏହି ଭୁତାଣୁ ର ଉତ୍ପତ୍ତିସ୍ଥଳ ଚୀନ ଗୋପନରେ ନିଜ ବିସ୍ତାରବାଦୀ କାର୍ଯ୍ୟକ୍ରମ ଜାରି ରଖିଛି। ଗତ କିଛି ଦିନ ଧରି ଚୀନର ପ୍ରାୟ ୭-୮ଟି ଯୁଦ୍ଧ ପୋତ ଭାରତ ମହାସାଗରରେ ପଇଁତରା ମାରୁଛନ୍ତି। ଏହାକୁ ନେଇ ଭାରତୀୟ ନୌସେନା ସତର୍ତ ହୋଇଉଠିଛି। ଭାରତୀୟ ନୌସେନା ମୁଖ୍ୟ ଆଡମିରାଲ କରମବୀର ସିଂ କହିଛନ୍ତି ଯେ ସବୁ ସ୍ଥିତିର ସାମନା କରିବାକୁ ନୌସେନା ପ୍ରସ୍ତୁତ ରହିଛି। ନୌସେନାର ଯୁଦ୍ଧ ଜାହାଜ ଓ ବୁଡ଼ାଯାହାଜଗୁଡ଼ିକ ନିୟମିତଭାବେ ଭାରତ ମହାସାଗରରେ ରହି ଭାରତୀୟ ଜଳସୀମାର ସୁରକ୍ଷା କରୁଛନ୍ତି। ଭାରତୀୟ ନୌସେନାର ଡୋନିୟର ସ୍କାର୍ଡନ ମୁତୟନ ହୋଇଛନ୍ତି। ଏହାଛଡ଼ା ଯୁଦ୍ଧ ବିମାନଗୁଡ଼ିକୁ ମଧ୍ୟ ପ୍ରସ୍ତୁତ ରଖାଯାଇଛି ବୋଲି ସେ କହିଛନ୍ତି। କିଛିଦିନ ତଳେ ଚୀନ ଜାହାଜ ଗୁଡ଼ିକ ଭାରତ ମହାସାଗର ଓ ଦକ୍ଷିଣଚୀନ ସାଗରକୁ ଯୋଡ଼ୁଥିବା ମାୟାକୋ ପ୍ରଣାଳୀ ଦେଇ ଗତି କରୁଥିବ ଜଣାପଡ଼ିଥିଲା। ଏହାକୁ ନେଇ ଚୀନ ଓ ଫିଲପାଇନ୍ସ, ଇଣ୍ଡୋନେସିଆ ଆଦି ଦେଶମାନଙ୍କ ସହ ବିବାଦ ଜାରି ରହିଛି।
ଭାରତ ମହାସାଗରରେ ବୁଲୁଛି ଚୀନର ଯୁଦ୍ଧଜାହାଜ, ଭାରତୀୟ ନୌସେନା ସତର୍କ
Share Now: