ଗଡ଼ପୋଷ: ବାପାର ବିଭତ୍ସ କାଣ୍ଡ। ଚାରି ଝିଅର ତଣ୍ଟି କାଟି ହତ୍ୟା ଉଦ୍ୟମ। ଗୋଟିଏ ଝିଅ ମୃତ। ତିନି ଝିଅ ଓ ସ୍ତ୍ରୀ ଗୁରୁତର। ଅଭିଯୁକ୍ତ ନିଜ ଗଳା କାଟି ଆତ୍ମହତ୍ୟା ଉଦ୍ୟମ କରିଥିବାର ଖବର ମିଳିଛି। ସମସ୍ତେ ସୁନ୍ଦରଗଡ଼ ଜିଲ୍ଲା ମୁଖ୍ୟ ଚିକିତ୍ସଳୟକୁ ସ୍ଥାନାନ୍ତର ହୋଇଛନ୍ତି। ମିଳିଥିବା ସୂଚନା ଅନୁଯାୟୀ, ସମ୍ବଲପୁର ଜିଲ୍ଲାର ଗୋବିନ୍ଦପୁର ଥାନା ଗଡ଼ପୋଷ ଫାଣ୍ଡି ଯୌତୁକ ବାହାଲ ଗ୍ରାମରେ ୪ ଝିଅଙ୍କୁ ତଣ୍ଟି କାଟି ବାପା ସୁକୁ ଓରାମ ହତ୍ୟା ଉଦ୍ୟମ କରିଛି। ଝିଅମାନଙ୍କ ବୟସ ୧୫ରୁ ୨ବର୍ଷ ପର୍ଯ୍ୟନ୍ତ। ଜଣେ ତିନିବର୍ଷ ବୟସ ଝିଅର ମୃତ୍ୟୁୁ ଘଟିଛି। ସୁକୁ ମଧ୍ୟ ନିଜ ତଣ୍ଟି କାଟି ଆତ୍ମହତ୍ୟା ଉଦ୍ୟମ କରିଥିଲ। ଏହି ଘଟଣାରେ ପତ୍ନୀ ଏତେବରୀ ଓରାମ ମଧ୍ୟ ଆହତ ହୋଇଛନ୍ତି। ତାଙ୍କ ହାତରେ ଆଘାତ ଲାଗିଛି। ଗାଁରେ ଗୋବିନ୍ଦପୁର ଥାନା ଅଧିକାରୀ ପ୍ରତାପ ରଣା, ତହସିଲଦାର ଅନୀଲ କୁଲୁ ମଧ୍ୟ ଉପସ୍ଥିତ ରହି ତଦନ୍ତ କରୁଛନ୍ତି। ଘଟଣାର ପ୍ରକୃତ କାରଣ ଜଣାପଡ଼ିନି। ସମସ୍ତଙ୍କୁ ସୁନ୍ଦରଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଯାଇଛି।
Share Now:
