କଟକ: କଟକର ସିଡିଏ ସେକ୍ଟର ୭ରେ ଥିବା ବଜାର କୋଲକାତା ସୋ ରୁମକୁ ସିଏମସି(କଟକ ମହାନଗର ନିଗମ) କର୍ତ୍ତୃପକ୍ଷ ସିଲ୍ କରିଥିବା ଜଣାଯାଇଛି। କିଛି ଦିନ ତଳେ ସିଡିଏ ସେକ୍ଟର ୭ରେ ବଜାର କୋଲକାତା ସୋ ରୁମ ଖୋଲିଥିଲା। ଆପ୍ରୁଭାଲ୍ ପ୍ଲାନ ନ ଥିବାରୁ ସିଡିଏ ସେକ୍ଟର -୭ରେ ବଜାର କୋଲକାତା ସୋ ରୁମରେ ସିଏମସି ପକ୍ଷରୁ ଆଜି ଚଢ଼ାଉ କରାଯାଇଥିଲା। ଏହାପରେ ଉକ୍ତ ସୋ ରୁମକୁ ସିଲ୍ କରିଛି।
ବେଆଇନ ପାର୍କିଂ, ବିଲ୍ଡିଂ ନିର୍ମାଣରେ ଅବୈଧ କାରବାର ଓ ହୋଲ୍ଡିଂ ଟ୍ୟାକ୍ସ ଗୋଦାମ ଉଦେଶ୍ୟ ନେଇ ମଲ ଖୋଲିବା ଘଟଣାରେ ଏହି ବଜାର କୋଲକାତା ମଲକୁ ସିଲ କରିଛି ସିଏମସି ଏନ୍ଫୋର୍ସମେଣ୍ଟ ଟିମ। ଯେତେ ଦିନ ପର୍ଯ୍ୟନ୍ତ ଏହି ଦିଗରେ ମଲ୍ କର୍ତ୍ତୃପକ୍ଷ ସଠିକ ପ୍ରମାଣପତ୍ର ପ୍ରଦାନ କରି ନାହାନ୍ତି ସେଦିନ ପେର୍ଯ୍ୟନ୍ତ ମଲଟି ସିଲ ହୋଇ ରହିବ। ଏହାଛଡ଼ା କଟକରେ ଆହୁରି ଅନେକ ମଲ୍ ରହିଛି ଯେଉଁଗୁଡିକ ଉପରେ ଆଗାମୀ ଦିନରେ ଚଢ଼ାଉ କରାଯିବ ଓ ସମସ୍ତ ଦସ୍ତାବିଜକୁ ଯାଞ୍ଚ କରିବ ସିଏମସି ଟିମ୍। ଯଦି କୌଣସି ତ୍ରୁଟି ପରିଲକ୍ଷିତ ହୁଏ, ତେବେ ସଙ୍ଗେ ସଙ୍ଗେ ହେବ କାର୍ଯ୍ୟାନୁଷ୍ଠାନ ହେବ ବୋଲି ସିଏମସି ଡେପୁଟି କମିସନର ଅଜୟ ମହାନ୍ତି କହିଛନ୍ତି।
