ନୂଆଦିଲ୍ଲୀ: ଭାରତ ପୁଣି ଥରେ ଫ୍ରାନ୍ସ ସହିତ ରାଫେଲ ଯୁଦ୍ଧ ବିମାନ ଚୁକ୍ତି କରିପାରେ। କାରଣ ସ୍ୱଦେଶୀ ବିମାନ ପରିବହନକାରୀ, ଆଇଏନଏସ ବିକ୍ରାନ୍ତ ପାଇଁ ୨୬ଟି ଯୁଦ୍ଧ ବିମାନ ଆବଶ୍ୟକ ଏବଂ ନୌସେନା ଦ୍ୱାରା ପ୍ରତିରକ୍ଷା ମନ୍ତ୍ରାଳୟ ନିକଟରେ ଏକ ସ୍ୱତନ୍ତ୍ର ରିପୋର୍ଟ ଦାଖଲ କରାଯାଇଛି। ଭାରତୀୟ ନୌସେନା ଏହାର ସ୍ୱଦେଶୀ ବିମାନ ପରିବହନକାରୀ ଆଇଏନଏସ ବିକ୍ରାନ୍ତ ପାଇଁ ଡେକବେସ ଯୁଦ୍ଧ ବିମାନ ଆବଶ୍ୟକ କରୁଛି। ଯେହେତୁ ସ୍ୱଦେଶୀ ଯୁଦ୍ଧ ବିମାନ, ଟିଇଡ଼ିବିଏ (ଟ୍ୱିନ୍ ଇଞ୍ଜିନ୍ ଡେକ୍ ଆଧାରିତ ଯୁଦ୍ଧବିମାନ) ବିକାଶ ପାଇଁ ୮ ରୁ ୧୦ ବର୍ଷ ସମୟ ଲାଗିପାରେ, ସେଥିପାଇଁ ନୌସେନା କିଛି ମାସ ପୂର୍ବରୁ ଦୁନିଆର ଦୁଇଟି ସର୍ବୋତ୍ତମ ଯୁଦ୍ଧ ବିମାନ, ଫ୍ରାନ୍ସର ରାଫାଲ୍ (ଏମ) ଏବଂ ଆମେରିକାର ଏଫ-୧୮ଏ ସୁପର ହର୍ନେଟକୁ ଚୟନ କରିଥିଲା।
ଏହି ଦୁଇଟି ଯୁଦ୍ଧ ବିମାନର ଟେଷ୍ଟିଙ୍ଗ ପାଇଁ ଗୋଆକୁ ମଧ୍ୟ ଡକାଯାଇଥିଲା। ସୂତ୍ରରୁ ମିଳିଥିବା ସୂଚନା ମୁତାବକ ଟେଷ୍ଟିଙ୍ଗ ପରେ ନୌସେନା ଏହାର ରିପୋର୍ଟ ଏବେ ପ୍ରତିରକ୍ଷା ମନ୍ତ୍ରାଳୟକୁ ଦେଇଛି। ରିପୋର୍ଟରେ କୁହାଯାଇଛି ଯେ ଯଦିଓ ଉଭୟ ଯୁଦ୍ଧ ବିମାନ ଆଇଏନଏସ ବିକ୍ରାନ୍ତ ପାଇଁ ଭଲ କିନ୍ତୁ ରାଫେଲ (ଏମ) ଆଇଏନଏସ ବିକ୍ରାନ୍ତ ପାଇଁ ଅଧିକ ଉପଯୁକ୍ତ। ଯେହେତୁ ବାୟୁସେନା ରାଫେଲ ବ୍ୟବହାର କରୁଛି, ତେଣୁ ରାଫେଲ ପାଇଁ ନୌସେନା କହିଛି। ତେବେ ନୌସେନା ପାଇଁ କେଉଁ ଯୁଦ୍ଧ ବିମାନ କିଣାଯିବ ତାହା ବର୍ତ୍ତମାନ ପ୍ରତିରକ୍ଷା ମନ୍ତ୍ରାଳୟ ଉପରେ ନିର୍ଭର କରୁଛି। ରାଫେଲ (ଏମ) ହେଉଛି ବାୟୁସେନା ଦ୍ୱାରା ବ୍ୟବହୃତ ରାଫେଲ ଯୁଦ୍ଧ ବିମାନର ସାମୁଦ୍ରିକ ସଂସ୍କରଣ(ମେରାଇନ ଭର୍ସନ)। ଆଇଏନଏସ ବିକ୍ରାନ୍ତ ପାଇଁ ନୌସେନା ୨୬ଟି ଯୁଦ୍ଧ ବିମାନର ଆବଶ୍ୟକତା ରହିଛି।
ରାଫେଲ ପ୍ରେମରେ ନୌସେନା : ଫ୍ରାନ୍ସ ସହ ହୋଇପାରେ ପୁଣିଥରେ ଡ଼ିଲ
Share Now: