କଣ୍ଟାବାଞ୍ଜି: ତୁରେକେଲା ଥାନା ମୁରିବାହାଲ ଗାଁରେ ବିଳମ୍ବତ ରାତିରେ ଏକ ଅଘଟଣ ଘଟିଛି। ରାୟପୁର କୁକୁରବେଡା ଗାଁରୁ ଆସିଥିବା ବରଯାତ୍ରୀଙ୍କ ଆକ୍ରମଣରେ କନ୍ୟାଙ୍କ ବଡ଼ ଭାଇ ଗୁରୁତର ହୋଇଥିବା ବେଳେ ଜଣେ ସମ୍ପର୍କୀୟ ଆହତ ହୋଇଛନ୍ତି। ଏହାପରେ ବାହାଘରକୁ ମଧ୍ୟ କନ୍ୟାଘର ଲୋକେ ବାତିଲ କରିଛନ୍ତି।
କନ୍ୟାଘର ଲୋକଙ୍କ କହିବା ଅନୁସାରେ ରାତିରେ ବରଯାତ୍ରୀ ଆସିଥିବା ବେଳେ ନାଚିବାକୁ ନେଇ ଗଣ୍ଡଗୋଳ ହୋଇଥିଲା। ସେହି ସମୟରେ ବରଯାତ୍ରୀ ପାର୍ଟିର ଜଣେ ଯୁବକ ଛୁରିରେ କନ୍ୟାଙ୍କ ବଡ଼ ଭାଇଙ୍କୁ ଆକ୍ରମଣ କରିଥିଲା। ବଡ଼ ଭାଇ ଗୁରୁତର ହୋଇଥିବା ବେଳେ ତାଙ୍କୁ ରାୟପୁରରେ ଡାକ୍ତରଖାନାରେ ଭର୍ତ୍ତି କରାଯାଇଛି। ବରଯାତ୍ରୀମାନଙ୍କ ଭିତରୁ ଦୁଇ ଜଣଙ୍କୁ ପୁଲିସ ତୁରକେଲା ଥାନାରେ ଅଟକ ରଖି ଅଧିକ ତଦନ୍ତ ଜାରି ରଖିଛି। ତେବେ ଏହି ଘଟଣା ଘଟିବା ପରେ ବର ଶିଶୁପାଳ ହୋଇ ଫେରିଛନ୍ତି। ତୁରେକେଲା ଥାନାରେ କନ୍ୟାଙ୍କ ବାପା ବେଳଖଣ୍ଡି ତାଣ୍ଡି ଓ ଭାଉଜ ସାବିତ୍ରୀ ତାଣ୍ଡିଙ୍କ ସହ ଅନ୍ୟମାନେ ଉପସ୍ଥିତ ଅଛନ୍ତି।
Share Now:
