କଣ୍ଟାବାଞ୍ଜି: ଘରୋଇ କଳହକୁ କେନ୍ଦ୍ର କରି ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ସାହୁପଡ଼ାରେ ଏସିଡ ମାଡ଼ ଘଟଣା ଘଟିଛି। ଏହି ଆକ୍ରମଣ ଘଟଣାରେ ଚାରି ଜଣ ବ୍ୟକ୍ତି ଗୁରୁତର ହୋଇଛନ୍ତି। ଗୁରୁତର ବ୍ୟକ୍ତିମାନେ ହେଲେ ସୁବାଷ ସାହୁ, ଖବ ସାହୁ, ଜଗବନ୍ଧୁ ସାହୁ ଓ ସଂଜୁ ସାହୁ। ଏହି ଆକ୍ରମଣ ଘଟରାରେ ପୁଲିସ ଦୁଇ ଜଣ ଅଭିଯୁକ୍ତ ତୁଳସୀ ସାହୁ ଓ ନେପାଳ ସାହୁଙ୍କୁ ଗିରଫ କରିଛି।
ସୂଚନା ଅନୁସାରେ ସାହୁପଡ଼ାରେ ଆଜି ୨ଟି ପରିବାର ମଧ୍ୟରେ ଘରୋଇ କଳହ ହୋଇଥିଲା। ଝଗଡ଼ା ବଢ଼ିବାରୁ ୪ ଜଣଙ୍କ ଉପରେ ଏସିଡ ମାଡ଼ ହୋଇଥିଲା। ଏଥିରେ ସୁବାଷ ସାହୁ, ଖଗ ସାହୁ, ଜଗବନ୍ଧୁ ସାହୁ ଓ ସଂଜୁ ସାହୁ ଗୁରୁତର ହୋଇଥିଲେ। ଗୁରୁତରମାନଙ୍କୁ ପ୍ରଥମେ କଣ୍ଟାବାଞ୍ଜି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା। ପରେ ସେମାନଙ୍କୁ ବଲାଙ୍ଗୀର ଭୀମ ଭୋଇ ମେଡିକାଲ ସ୍ଥାନାନ୍ତରିତ କରାଯାଇଥିଲା। ଏହି ଘଟଣାରେ ତୁଳସୀ ସାହୁ ଓ ନେପାଳ ସାହୁ ଗିରଫ ହୋଇଛନ୍ତି। ପୁଲିସ ଘଟଣାର ଅଧିକ ତଦନ୍ତ କରୁଛି।
Share Now:
