ନେପାଳ : ନେପାଳରେ ଏକ ଅଦ୍ଭୁତ ଘଟଣା ଘଟିଛି। ଯାହାର ଭିଡିଓ ସୋସିଆଲ ମିଡିଆରେ ଘୁରି ବୁଲୁଛି। ସାମ୍ନାକୁ ଆସିଥିବା ଭିଡିଓରେ ଘଟିଥିବା ଘଟଣା ଅନୁଯାୟୀ, ଜଣେ ସାଂସଦଙ୍କୁ ସଂସଦରେ କିଛି କହିବାକୁ ସୁଯୋଗ ଦିଆ ନଯିବାରୁ ସେ ରାଗରେ ସମସ୍ତଙ୍କ ସାମ୍ନାରେ ସାର୍ଟ ଖୋଲି ଦେଇଥିଲେ। ନେପାଳରେ ଏମିତି ଘଟଣା ପ୍ରଥମଥର ଘଟିଥିବା କୁହାଯାଉଛି। ତେବେ ଉକ୍ତ ସାଂସଦଙ୍କ ନାମ ଅମରେଶ କୁମାର ସିଂହ। ଯିଏକି ନେପାଳ କଂଗ୍ରେସର ଜଣେ ପୂର୍ବତନ ନେତା। ଗତବର୍ଷ ସରଲାହୀରୁ ନିର୍ଦ୍ଦଳୀୟ ପ୍ରାର୍ଥୀ ଭାବେ ନିର୍ବାଚନ ଲଢ଼ିଥିଲେ। କାରଣ ତାଙ୍କୁ ନେପାଳୀ କଂଗ୍ରେସ ତରଫରୁ ଟିକେଟ ଦିଆଯାଇ ନଥିଲା।
ସୂଚନାଯୋଗ୍ୟ, ହାଉସ ଅପ ରିପ୍ରେଜେଣ୍ଟେଟିଭ୍ସର ବାଚସ୍ପତି ଦେବରାଜ ଧିମିରେ ସଂସଦରେ ସାଂସଦ ଅମରେଶ କୁମାର ସିଂହ କିଛି କହିବାକୁ ଚାହୁଁଥିବା ବେଳେ ତାଙ୍କୁ ସୁଯୋଗ ଦେଇ ନଥିଲେ। କାରଣ ଅମରେଶ କୁମାର ସିଂହ ସଂସଦରେ ବ୍ୟବହାର ଠିକ କରି ନଥିଲେ। ଏହି କାରଣରୁ ଅମରେଶ ଖୁବ ରାଗି ଯାଇ ସଂସଦରେ ପୋଷାକ ଖୋଲି ଦେଇଥିଲେ। ତେବେ ତାଙ୍କର ଏଭଳି ସ୍ଭଭାବ ଦେଖି ବାଚସ୍ପତି କହିଥିଲେ, ‘ତୁମେ ବ୍ୟବହାର ଠିକ କର। ଯେପର୍ଯ୍ୟନ୍ତ ବ୍ୟବହାର ଠିକ କରି ନାହଁ, ସେପର୍ଯ୍ୟନ୍ତ ତୁମକୁ କହିବାର ସୁଯୋଗ ମିଳିବ ନାହିଁ।’ ବାଚସ୍ପତିଙ୍କ ଏହି କେହି ପଦ କଥାରେ ସାଂସଦ ରାଗ ତମତମ ହୋଇ ସମସ୍ତଙ୍କ ସାମ୍ନାରେ ପୋଷାକ ସହିତ ଅନ୍ତବସ୍ତ୍ର ବି ଖୋଲି ଦେଇଥିଲେ। ଏଥିସହିତ ସେ ସଂସଦ ଛାଡ଼ି ବି ପଳାଇଥିଲେ।
