ଭୁବନେଶ୍ୱର: ରାଜଧାନୀର ବମିଖାଲ ରେଳଧାରଣାରୁ ଦମ୍ପତ୍ତିଙ୍କ ମୃତଦେହ ଉଦ୍ଧାର ହୋଇଛି। ଉଭୟ ଆତ୍ମହତ୍ୟା କରିଥିବାର ସନ୍ଦେହ କରାଯାଉଛି। ପାରିବାରିକ କଳହରୁ ଏଭଳି ଘଟଣା ଘଟିଛି ବୋଲି ସୂଚନା ମିଳୁଛି। ଦମ୍ପତ୍ତିଙ୍କ ଘର କଟକ କନ୍ଦରପୁରରେ ହୋଇଥିବାବେଳେ ଉଭୟ ସହିଦନଗର ଶାନ୍ତିପଲି ଅଞ୍ଚଳରେ ରହୁଥିଲେ।
ରାଜମିସ୍ତ୍ରୀ ଭାବେ ସ୍ୱାମୀ ଜଣକ କାମ କରୁଥିବାବେଳେ ଗତକାଲି ରାତିରେ ଘରେ ଝଗଡା ହୋଇଥିବା ପଡୋଶୀ କହିଛନ୍ତି। ଝଗଡା ପରେ ଉଭୟ ସ୍ୱାମୀ-ସ୍ତ୍ରୀ ରେଳଧାରଣାରେ ଆତ୍ମହତ୍ୟା କରିଥିବାର ସନ୍ଦେହ କରାଯାଉଛି। ଏବେ ଘଟଣାସ୍ଥଳରେ ଜିଆରପି ପହଞ୍ଚି ତଦନ୍ତ କରୁଛନ୍ତି। ତାଙ୍କର ଏକ ଶିଶୁପୁତ୍ର ରହିଛି।
Share Now:
